हामी सबैकाे संसारन्यूज

काठमाडौं । २०१९ को अन्तिम समय चीनको बुहानबाट सुरु भएको कोरोना भाइरसको महामारीले विश्वका अधिकांश देशलाई संकटमा पुर्यायो । अहिले पनि विश्वका कयौं देश कोरोनाले निम्त्याएको संकटमा गुज्रिरहेका छन् । कोरोना देखिएका मध्ये अधिकांश देशमा यसले विकराल अवस्था निम्त्याएको छ ।

आजसम्मको तथ्यांकअनुसार विश्वभर २ करोड ३८ लाख बढि मानिस संक्रमित भएका छन् । यसको संक्रमणबाट विश्वभर ८ लाख १७ हजार बढिले ज्यान गुमाईसकेका छन् ।

यस्तो भयानक अवस्थामा पनि विश्वका केहि देश भने अनौठो गरि भाग्यमानी ठहरीए । जहाँ कोरोना भाइरसको महामारीले कुनै संकट निम्त्याएन । कोरोनाको विश्व महामारीलाई हेर्दा अत्पत्यारिलो लाग्ने गरि विश्वमा १० देश कोरोना महामारीबाट सुरक्षित रहन सफल भएका छन् । जानौं, भाग्यमानी ठहरिएका १० देश कुन–कुन हुन् ?

यी हुन् कोरोना महामारीबाट सुरक्षित १० देश

पलाउ
माइक्रोनेशिया
मार्शल आईलैंड
नौरु
किरीबटी
सोलोमन आईल्याण्ड
तवालु
समोआ
बनेटू
टोंगा

पलाउको सीमा क्षेत्र गत मार्चदेखि नै बन्द छ । यस देशले कोरोना महामारीको जोखिमलाई ध्यानमा राख्दै तत्कालै सावधानी अपनाएको थियो ।

यसैगरि मार्शल आइल्याण्डले पनि आफ्नो सीमा मार्च देखि नै बन्द गरेको थियो । पर्यटन उद्योगमा आधारित यस देशमा ठुलो आर्थिक घाटा भएपनि कोरोना महामारीले भने छुन सकेन ।

त्यसैगरि ३ लाखको हाराहारीमा जनसंख्या रहेको बनेटू पनि कोरोना महामारीबाट सुरक्षित रह्यो । पर्यटन व्यवसायमै आधारित यस देशमा काफी आर्थिक समस्या आएपनि उसले आफ्नो सीमा क्षेत्र खुुला गरेको छैन् । एजेन्सीबाट