हामी सबैकाे संसारन्यूज

काठमाडौं । मन्त्रिपरिषदको नियमित बैठक प्रधानमन्त्री निवास बालुवाटार सुरु भएको छ । सोमबार बस्ने बैठक आज बसेको हो ।

प्रधानमन्त्री केपी शर्मा ओलीका प्रेस सल्लाहकार सूर्य थापाले सो नियमित बैठक बालुवाटारमा भर्खर सुरु भएको जानकारी दिए ।
आजको बैठकले जारी निषेधाज्ञा र केहि नियुक्तीबारे निर्णय गर्नसक्ने बुझिएको छ ।

बैठकले नेपाल विद्युत प्राधिकरणको कार्यकारी निर्देशकको विषयमा पनि निर्णय लिन सक्ने अनुमान गरिएको छ । प्राधिकरणका निर्देशक कुलमान घिसिङको कार्यकाल सकिन लागेको अवस्थामा उनलाई नै निरन्तरता दिने वा नयाँ ल्याउने भन्ने विषयमा बैठकले निर्णय लिन सक्नेछ ।

लोडसेडिङ्ग हटाएर लोकप्रिय बनेका घिसिङ्गलाई पुनः ल्याउन आम दबाब छ । भदौ २९ मा चार वर्षे कार्यकाल सकिन लागेका घिसिङ्गलाई पुन नियुक्ती गर्नुपर्ने माग चौतर्फी आएको छ ।