Sansar News
१० भदौ , काठमाडौँ । संस्कृति, पर्यटन तथा नागरिक उड्डयन मन्त्रालयले सेप्टेम्बर २ देखि संचालन हुन लागेको अन्तर्राष्ट्रिय उडान तालिका जारी गरेको छ ।
कोभिड–१९ को माहामारी फैलिन नदिन अन्तर्राष्ट्रिय उडानको रोक भदौ १७ देखि खुला गर्ने सरकारको निर्णयसँगै मन्त्तालयले एक महिनाको नियमित तथा चार्टर उडान तालिका र त्यस्ता उडानहरु संचालन गर्न पालना गर्नुपर्ने शर्तहरु जारी गरेको हो ।
सेप्टेम्बर २ देखि सेप्टेम्बर ३० (भदौ १७ देखि असोज १४) सम्मको एक महिनामा ६० वटा नियमित उडान हुने गर्ने जनाएको छ । सो अवधिमा २७ वटा चार्टर उडान हुने छन् । यो एक महिनाको अवधिमा १० वटा विदेशी र दुईटा नेपाली गरी १२ वटा वायुसेवाले ६० वटा उडान गर्ने छन् ।
मन्त्रालयले नियमित उडानतर्फ मलेसियाको मालिन्दो एयर तथा मलेसियन एयरलायन्स, टर्किको टर्किस एयरलायन्स, हङकङको क्याथे ड्रयागन, कोरियाको कोरियन एयर, चीनको चाइना साउर्दन, एयर चाइना, साउदी अरबको एयर अरेबिया, कतारको कतार एयरवेज र दुबईको फ्लाई दुबई गरि १० वटा वायुसेवालाई उनीहरुका गन्तव्यबाट नियमित उडान भर्न अनुमति दिएको छ ।
त्यस्तै, स्वदेशी वायुसेवातर्फ नेपाल वायुसेवा निगमलाई जापानको नारिता, दुबई, मलेसिया र हङकङ उडानको अनुमति दिएको छ । अर्काे हिमालय एयरलायन्सलाई चीनको छोङकुइन, मलेसिया र आबुधाबीमा उडानको अनुमति दिइएको छ ।
कोभिड–१९ को जाँच सहज नभएका मुलुकबाट नियमित उडान खुला गरेको छैन । तर, ती मुलुकमा अलपत्र परेका नेपाली ल्याउन एक महिनामा २७ वटा चार्टर उडान गर्न अनुमति दिएको छ ।
सरकारले दैनिक ५ सयसम्म मात्रै यात्रु ल्याउन दिने गरी तालिका बनाएको छ ।
हेर्नुहोस उडान तालिका :
वि.सं.२०७७ भदौ १० बुधवार ०८:४२ मा प्रकाशित
