हामी सबैकाे संसारन्यूज

काठमाडौं । राष्ट्रिय वाणिज्य बैंकको बुधबार (आज) बस्ने भनिएको सञ्चालक समितिको बैठक स्थगित भएको छ । वाणिज्य बैंकको सञ्चालक समिति सदस्यमा नियुक्ती पाएका डा. उपेन्द्र कोइरालाको नाम नै विवादमा तानिएसँगै बैठक स्थगित भएको हो ।

रिक्त वाणिज्य बैंक सञ्चालक समितिको अध्यक्ष नियुक्त गर्ने कार्यसूची बैठक स्थगित भएसँगै अन्यौलमा परेको छ । सोमबार बसेको मन्त्रिपरिषद बैठकले बाणिज्य बैंकको सञ्चालक समिति सदस्यमा डा. उपेन्द्र कोइरालालाई नियुक्त गरेको थियो । तर विवादित छबिका कोइरालाको नियुक्तीसँगै तिव्र आलोचना सुरु भएको छ ।

पटक–पटक विभिन्न महत्वपूर्णं निकायमा राजनीतिक नियुक्ती पाएका कोइराला पटक–पटक नै बदनामित छन् । आयल निगमको कार्यकारी अध्यक्ष, खाद्य संस्थानका महाप्रबन्धकलगायतका पदमा रहँदा अनियमितता गरेको आरोप लागेको थियो ।