हामी सबैकाे संसारन्यूज

काठमाडौं । जनता समाजवादीका नेता डा. बाबुराम भट्टराईले सामाजिक सञ्जालमा आफुँविरुद्व जाइलाग्नेलाई कसै गरि नछोड्ने बताएका छन् । आइतबार सामाजिक सञ्जाल ट्विटरमार्फत सामाजिक सञ्जालबारे आफ्ना ५ बुँदे प्रतिबद्धता राख्दै उनले यस्तो भनेका हुन् ।

भट्टराईले सामाजिक सञ्जालमार्फत शोषित तथा उत्पीडितको पक्षमा पैरवी गरिरहने पनि प्रतिबद्धता व्यक्त गरेका छन् । उनले ५ बुँदे प्रतिबद्धतामार्फत सत्य र न्यायको पक्षमा निरन्तर उभिने पनि प्रतिबद्धता जनाएका छन् ।

उनले ५ बुँदे प्रतिबद्धतामा अरुबाट सिक्ने र आफुँले जानको पनि सिकाउने प्रतिबद्धता गरेका छन् । भट्टराईले बुझेर पनि बुझपचाउने र बुझ्नै नचाहने मुर्खबाट आफुँ टाढा रहने प्रतिबद्धता जनाएका छन् ।

भट्टराईलाई नेपाली राजनीतिज्ञमध्ये सबैभन्दा बढि सामाजिक सञ्जाल प्रेमी मानिन्छन् । सामाजिक सञ्जालमा सबैभन्दा बढि खाेजिने पात्रमध्ये उनी प्राथमिकतामा पनि पर्दछन् ।

सामाजिक सञ्जालअन्तर्गतको ट्विटरमा उनको फ्लोअर १२ लाख बढि छन् भने उनको आधिकारिक फेसबुक पेजमा १३ लाखले लाईक गरेका छन् । नियमित सामाजिक सञ्जालमा अपडेट रहने भट्टराईको विषयमा सामाजिक सञ्जालमा पनि निकै चर्चा चल्ने गर्दछ ।

Social Media बारे मेरो प्रतिबद्धता:१.अरूबाट सिक्ने,आफुले जानेको बाँड्ने;२.सत्य र न्यायको पक्षमा उभिने;३.शोषित/उत्पीडित/विभेदमा परेकाहरूको पक्षमा पैरवी गर्ने;४.जाइनलाग्ने,आइलाग्नेलाई नछोड्ने(tit for tat);५.बुझेर बुझ पचाउने ठग(crook)र नबुझ्ने/बुझ्ननचाहने मूर्ख(fool)देखि टाढै बस्ने!

— Baburam Bhattarai (@brb1954) August 30, 2020