हामी सबैकाे संसारन्यूज

काठमाडौं । दक्षिणी चिनियाँ सागरसमेत केही हिस्साबाट चीनलाई पाखा लगाउन अमेरिकाले तयारी थालेको छ । जसबारे अमेरिकाको राष्ट्रिय सुरक्षा एजेन्सी (एनएसए)का सल्लाहकार रोबर्ट ब्रायनले आगामी रणनीतिबारे खुलासा गरेका छन् । ब्रायनले बताएअनुसार चीनविरुद्व कस्तो रणनीति बनाउने भन्ने बारेमा अमेरिकाले भारत, जापान र अष्ट्रेलियासँग बसेर छलफल गर्दैछ ।

ब्रायनले चीनको शैली अति नै खतरनाक भएको भन्दै त्यसका विरुद्व छिट्टै आक्रामक रणनीति तयार हुने बताए । उनका अनुसार आगामी महिना जसबारे ठोस निष्कर्ष निस्कनेछ ।

चीनलाई तीन तर्फबाट घेरा हाल्ने योजना

ब्रायनले बताएअनुसार हिन्द महासागर र दक्षिणी चिनियाँ सागरमा चीनले गरिरहेको गतिविधिलाई रोक्न जस्तोसुकै कदम पनि चालिनेछ । जसको लागि अमेरिकाले जस्तोसुकै भूमिका निभाउन पनि तयार रहेको ब्रायनको भनाई छ ।

उनले बताएअनुसार अमेरिकाले कुटनीतिक, सैन्य र आर्थिक रुपमा तयारी गरिरहेको छ ।

समुन्द्रमाथि चीनको हक छैन

ब्रायनले चीनले समुन्द्रमाथि हैकम चलाउन खोजेको भन्दै समुन्द्रमाथि उसको रवैया नचल्ने बताए । उनले कुनै पनि समुन्द्र विश्वको कुनै पनि देशले प्रयोग गर्न पाउनुपर्ने बताए ।

ब्रायनले बताएअनुसार सामुन्द्रिक यात्रामा चीनले रुकावट ल्याए जसको परिणाम खतरनाक हुनेछ । जसको लागि अमेरिका कडा जवाफ फर्काउन तयार रहेको उनको भनाई छ । एजेन्सीको सहयोगमा