१७ भदौ, काठमाडौँ । पूर्व प्रधानमन्त्री तथा जनता समाजवादी पार्टी (जसपा)का वरिष्ठ नेता डा. बाबुराम भट्टराईले ठेक्का दिँदा सबैभन्दा कमलाई हैन रकमको १० प्रतिशत भित्र रहेर उसको क्षमता र इतिहास हेरेर दिनु पर्ने बताएका छन् ।
निर्माण कार्यमा भैरहेको भ्रष्टाचार र ढिलासुस्ती रोक्न सामाजिक सञ्जालमार्फत ५ बुँदे सुझाव दिँदै उनले यसो भनेका हुन् ।
उनले दिएको ५ बुँदे सुझाव यस्तो छ :
निर्माणमा भैरहेको भ्रष्टाचार/ढिलासुस्ति रोक्न यसो गरौं:
१.ठेक्का दिंदा सबभन्दा कमलाई हैन रकमको१०%भित्र क्षमता/इतिहास हेरौं ।
२.एउटालाई रकम हेरी २/३भन्दा ठेक्का नदिऊँ।
३.मोबिलाइजेसन खारेज गरौं ।
४.नक्कली joint venture रोकौं ।
५.समयमा काम नसक्नेलाई कार्यवाही नगर्ने कर्मचारीलाई कार्वाही गरौं ।
वि.सं.२०७७ भदौ १७ बुधवार १३:२३ मा प्रकाशित






























