Sansar News
काठमाडौं । नेपाल कांग्रेसका वरिष्ठ नेता रामचन्द्र पौडेलले रेलमार्ग ठेक्का प्रक्रिया रोकेर तत्काल छानविन गर्न माग गरेका छन् । बुधबार एक प्रेस विज्ञप्ती सार्वजनिक गर्दै उनले संसदीय लेखा समिति, विकास समिति, सरकार र अख्तियार दुरुपयोग अनुसन्धान आयोगलाई ठेक्का प्रक्रियामाथि छानविन गर्न माग गरेका छन् ।
३५ अर्ब रुपैयाँको काकडभिट्टा–इनरुवा रेल मार्ग निर्माणको ठेक्का प्रक्रियामा ठुलो ठूलो अनियमितता भएको चर्चा चलेका बेला पौडेलले छानविनको माग गरेका हुन् ।
पौडेलले विज्ञप्तीमा भनेका छन्, ‘राष्ट्रिय ढुकुटीको ब्रम्हलुट गर्नबाट जोगाउन तत्काल रेलमार्गको ठेक्कापट्टा रोकेर त्यसबारे छानविन गर्न संसदीय लेखा समिति, विकास समिति, सरकार र अख्तियार दुरुपयोग अनुसन्धान आयोगलगायत न्यायिक निकायको जोडदार ध्यानाकर्षण गराउँछु ।’
वि.सं.२०७७ भदौ १७ बुधवार १७:५६ मा प्रकाशित
