हामी सबैकाे संसारन्यूज

१९ भदौँ, काठमाडौँ । इन्डियन प्रमियर लिग (आईपिएल) को खेल तालिका आज सार्वजानिक हुन गईरहेको छ । मार्च २९ बाट सुरु हुने भनिएको आईपिएल कोराना भाइरसको महामारीको कारणले गर्दा स्थगित भएको थियो ।

यस वर्षको आईपिएल भारतमा नभएर युएईमा हुन गईरहेको छ । मार्च २९ का लागि सर्वाजानिक गरिएको खेल तालिका भन्दा अहिलेको खेल तालिकामा भारतीय क्रिकेट र्बोड (बिसिसिआई) ले केही परिवर्तन गर्ने छ ।

बिसिसिआईका अध्यक्ष सौरभ गांगुलीले बिहिबार एक टिभी च्यानलमा आईपिएलको खेल तालिका शुक्रबार सार्वजानिक गर्नको लागि तयारी भईरहेको बताएका छन । बिसिसिआईका एक अधिकारीकका अनुसार आईपिएलको पहिलो खेल चेन्नाई सुपर किंग्स र मुम्बई इंन्डियन्स बिच १९ सेप्टेम्बरमा हुने छ ।

युएईमा हुने आईपिएल १९ सेप्टेम्बरबाट सुरु हुने छ । सबै टिमहरु अहिले युएईमा आईपिएलको तयारी गरिरहेका छन ।