हामी सबैकाे संसारन्यूज

काठमाडौं । ताइवानले आफ्नो हवाई सीमा क्षेत्रमा घुसेको चिनियाँ फाइटर विमानलाई मिसाइल प्रयोग गरि झारेको छ । अन्तराष्ट्रिय सञ्चार माध्यमले जनाएअनुसार बिहिबार दिउँसो ताइवानले आफ्नो सीमा क्षेत्रमा घुसेको चिनियाँ फाइटर विमानलाई झारेको हो । जनाइएअनुसार मिसाइल आक्रमणमा परेको विमान ध्वस्त भएपनि विमान चालक भने सुरक्षित छन् ।

मिसाइल आक्रमणमा परेको फाइटर विमानको भिडियो अहिले सामाजिक सञ्जालमा भाइरल छ । भिडियोमा जलिरहेको अवस्थामा विमानका टुक्राहरु देखिन्छ । हालसम्म यस घटनाबारे चिनियाँ अधिकारीले पनि कुनै जवाफ दिएका छैनन् ।

चीनले लामो समयदेखि ताइवानको जल र आकाशमाथि अधिपत्य जमाउँदै आएको छ । पटक–पटक विवाद भएपनि चीनले ताइवानको जल र आकाश प्रयोग गर्न छाडेको छैन् । बिहिबार पनि चीनको फाइटर जेट ताइवानको हवाई क्षेत्रमा घुसेको थियो ।

#BrekingNews : #Taiwan air defence system shoots down #China #PLA – Airforce aircraft after intrusion into Taiwanese airspace. pic.twitter.com/Hs0qEOjfQK

— News Line IFE ?Live? (@NewsLineIFE) September 4, 2020

अमेरिकी मिसाइलको प्रयोग

मिडिया रिपोट्स अनुसार, चिनियाँ फाइटर झार्न अमेरिकी मिसाइलको प्रयोग गरिएको थियो । हालसम्म कुन मिसाईल कसरी प्रयोग गरिएको भन्ने विषयमा भने कसैले पनि आधिकारिता खुलाएका छैनन् ।

हाल दक्षिणी चीन सागरमा अमेरिकी सेनाको तैनाथी छ । अमेरिकाको सबैभन्दा ठूलो निमित्ज वारसीप पनि यहिँ मौज्दुत छ । जनाइएअनुसार वारसीपमा १२० फाइटर जेट्स छन् ।

अमेरिकाले केहि दिनअघि ताइवानमाथि कुनै हमला गरे आफुँ चुप नबस्ने चेतावनी दिएको थियो । उसले ताइवानमाथि जस्तो सुकै सहयोग गर्न पनि तयार रहेको घोषणा गरेको थियो ।