हामी सबैकाे संसारन्यूज

सप्तरी । सप्तरीमा मोटरसाइकल अनियन्त्रित भई दुर्घटना हुँदा चालकको मृत्यु भएको छ भने पछाडि सवार एक जना घाइते भएका छन् ।

अन्दाजी १७:२० बजे सप्तरीको हनुमाननगर कंकालिनी नगरपालिका १, पूर्व-पश्चिम राजमार्ग अन्तर्गत कोशी ब्यारेज पुलको ४१ नम्बर ढोकास्थितमा को.६ प ६०२८ नम्बरको मोटरसाइकल अनियन्त्रित भई दुर्घटना भएको हो ।

दुर्घटनामा मोटरसाइकल चालक सोही नगरपालिका-१ भलवा बस्ने अन्दाजी ३५ वर्षीय ओम साफी र मोटरसाइकलको पछाडि सवार सोही स्थानका २० वर्षीय मंजय साफी घाइते भएका थिए ।

घाइतेमध्ये मोटरसाइकल चालक ओम साफीको भारदह असप्ताल भारदहमा उपचारका क्रममा मृत्यु भएको छ भने पछाडि सवार मंजय साफीको विपी कोइराला स्वास्थ्य विज्ञान प्रतिष्ठान धरानमा उपचार भइरहेको छ । घटनाबारे थप अनुसन्धान भइरहेको प्रहरीले जनाएको छ ।