हामी सबैकाे संसारन्यूज

काठमाडौं । कोमामा रहेको चर्चा चलाइएका उत्तर कोरियाली राष्ट्रपति किम जोंग उनको आँधी–तुफान क्षेत्रको निरिक्षणमा गएको तस्बिर सार्वजनिक भएको छ । तस्बिर उत्तर कोरियाली केन्द्रीय समाचार एजेन्सीले सार्वजनिक गरेको हो ।

कोरियाली केन्द्रीय समाचार एजेन्सीले जनाएअनुसार किम शनिबार कोरियाको उत्तर–पूर्वी क्षेत्रमा आएको आँधी–तुफान प्रभावित क्षेत्रको निरिक्षणमा निस्किएका थिए । किमले तुफानमा फसेका मानिसहरुलाई भेटेका थिए ।

कोरियाली समाचार एजेन्सीका अनुसार उत्तरका उच्च अधिकारीसहित निरिक्षणमा निस्किएका उनले प्रभावित मानिसहरुलाई सहयोगका निमित्त १२ हजार कार्यकर्ता खटाउने प्रतिबद्धता जनाएका थिए । समाचार एजेन्सीले उल्लेख गरेअनुसार यो भ्रमण पछिल्लो साताकै पहिलो हो ।

समाचार एजेन्सीले जनाएअनुसार पछिल्लो साता उत्तरी प्रान्त हैमयोंगमा आएको आँधीले एक हजार बढि परिवार घर बिहिन भएका छन् । आँधिले ठूलो क्षेत्रको खेती बिगारेको छ ।

कोरोना महामारी र अमेरिकी प्रतिबन्धको कारण उत्तर अहिले समस्यामा छ । जसको बीच आएको आँधीले उत्तरलाई कमजोर बनाएको बताइन्छ ।

स्मरणरहोस् राष्ट्रपति किम कोमामा रहेको चर्चा बेलाबखत भईरहन्छ । हालै मात्रै दक्षिण कोरियाली गुप्तचरले पनि किम कोमामा रहेको दाबी गरेका थिए ।

उत्तरले पनि हालसम्म किमको तस्बिर बाहेक अन्य कुराहरु सार्वजनिक गरेको छैन् । सार्वजनिक तस्बिर बारे पनि स्वतन्त्र पुष्टि हुने आधिकारिक अन्य विवरण छैनन् ।

एजेन्सी