हामी सबैकाे संसारन्यूज

काठमाडौं । कृषि सामग्री कम्पनी लिमिटेडले शैलुङ इन्टरप्राइजेज र हानोको मल्टिप्रपोज कम्पनीसँग भएको मल खरिद ठेक्का सम्झौता रद्द गर्ने निर्णय गरेको छ । कम्पनीले आइतबार एक विज्ञप्ती सार्वजनिक गर्दै तोकिएको समयमा रसायनिक मल आपूर्ति गर्न नसकेका दुई कम्पनीसँगको सम्झौता रद्दको निर्णय गरेको हो ।

विज्ञप्तीअनुसार कृषि सामाग्रीले दुई कम्पनीकसँगको ठेक्का सम्झौता रद्द गर्दै कम्पनीको धरौटीसमेत जफत गर्ने निर्णय गरेको छ । दुवै कम्पनीले धरौटी स्वरुप पाँच÷पाँच करोड रुपैयाँ जम्मा गरेका थिए ।

गत पुस २८ र माघ ४ मा फरक–फरक ठेक्कामार्फत ५० हजार मेट्रिक टन युरिया मल ल्याउन कृषि सामग्री कम्पनीले टेण्डर आह्वान गरेको थियो । टेण्डरमा ७२ दिनभित्र मल ल्याउनुपर्ने सम्झौता थियो । तर, दुवै कम्पनीले तोकिएको समयभित्र मल ल्याउन सकेका थिएनन् । दुवै कम्पनीको अनुरोधमा थप २५ दिन म्याद थपिँदा पनि कम्पनीहरुले मल ल्याउन सकेनन् ।

स्मरणरहोस् ठेक्का सम्झौता पाएको शैलुङ इन्टरप्राइजेज कम्पनी चर्चित ठेकेदार शारदाप्रसाद अधिकारीको हो भने हानोको मल्टिप्रपोज हुमनाथ कोइरालाको हो । दुवैले समयमा मल नल्याउँदा देशैभरि रसायनिक मलको अभाव भईरहेको छ । कृषकहरु उत्पादनमा घाटा पर्ने चिन्तामा छन् ।

यस्ताे छ विज्ञप्ति