Logo
७ आश्विन २०७८, बिहीबार
     Thu Sep 23 2021
Logo

सैनिक प्रवक्ता सन्तोष बल्लभ पौडेलसहित तीन अधिकृत पुरस्कृत



३० भदौ, काठमाडौँ । नेपाली सेनाका प्रवक्ता (सहायक रथी) सन्तोष बल्लभ पौडेल सहित तीनजना सैनिक अधिकृत पुरस्कृत भएका छन् ।

सोमबार जंगी अड्डामा आयोजित कार्यक्रममा ‘सिपाही बार्षिक–०७६’ र ‘दि शिवपुरी’ जर्नलमा प्रकाशित उत्कृष्ट लेख रचना गरेबापत उनीहरुलाई प्रधानसेनापति पूर्णचन्द्र थापाले पुरस्कार वितरण गरेका हुन् ।

‘सिपाही’ र ‘शिवपुरी’ जर्नलमा प्रकाशित लेख रचना मध्ये सहायक रथी पौडेल प्रथम भएका छन् भने प्रमुख सेनानी अनिल कुमार बुढाथोकी द्धितिय र प्रमुख सेनानी सुधिर प्रताप सिंह तृतिय भएका थिए ।

प्रथम, द्वितिय र तृतिय हुनेले क्रमश : ५० हजार र कदरपत्र, ३५ हजार र २५ हजार सहित कदरपत्र प्राप्त गरेका छन् ।
त्यसैगरी अन्य ७ जना लेखकहरुलाई सान्त्वना पुरस्कार स्वरुप जनही नगद रु.१०,०००।– र कदर पत्र प्रदान गरिएको थियो ।

उक्त कार्यक्रममा लेख रचनाहरुको मुल्याङ्कन गर्ने गैर सैनिक विज्ञ तथा सैनिक व्यक्तिहरुलाई समेत कदर पत्र प्रदान गरिएको थियो ।

रणनैतिक र सैनिक महत्वका विषयहरुमा लेख रचना लेख्न प्रेरित गर्दै प्रत्येक वर्ष प्रकाशन गरिने यी जर्नलहरुले अधिकृतहरुको बौद्धिक विकासका साथै नेपाली सेनाको संस्थागत विकासमा समेत योगदान पुर्याउँदै आएको छ । उल्लेखित लेख रचनाको मुल्याङ्कनका लागि विज्ञहरु सम्मिलित मुल्याङ्कन समिति गठन गरी उत्कृष्ट लेखहरुको छनौट गर्ने गरिन्छ ।

सिमित व्यक्तिहरुको उपस्थितिमा कोभिड- १९ सम्बन्धी सम्पूर्ण सुरक्षा मापदण्डहरु अवलम्वन गरी समापन गरीएको उक्त कार्यक्रममा बलाधिकृत रथी प्रभुराम शर्मा र नेपाली सैनिक कमान्ड तथा स्टाफ कलेजका कमान्डान्ट उपरथी बालकृष्ण कार्की लगायत प्राध्यापक तथा नेपाली सेनाका सिमित अधिकृतहरुको उपस्थिति रहेको थियो ।


यो खबर पढेर तपाईलाई कस्तो महसुस भयो ?

काठमाडौं । सामाजिक सञ्जालमा अहिले पूर्वमहान्यायाधिवक्तासमेत रहेका डा. युवराज संग्रौला र पूर्वाधारविद् डा. सूर्यराज

काठमाडौं । माधवकुमार नेपाल नेतृत्वको नेकपा (एकीकृत समाजवादी) ले महासचिवसहितका पदाधिकारीको नाम टुंगो लगाएको

गुल्मी । नेपालका पूर्वमुख्यसचिव तथा चीनका लागि पूर्वराजदूत लिलामणि पौडेल आजभोली माओवादीका विभिन्न कार्यक्रममा

काठमाडौं । माओवादी केन्द्रका अध्यक्ष पुष्पकमल दाहाल ‘प्रचण्ड’की पत्नी सीता दाहालले पाएको पदको विषय