हामी सबैकाे संसारन्यूज

काठमाडौं । आन्तरिक विवाद चुलिरहेको बेला राप्रपाका अध्यक्षत्रय कमल थापा, पशुपति शमशेर जबरा र डा. प्रकाशचन्द्र लोहनीबीच भेटवार्ता भएको छ । अध्यक्षत्रबीच बुधबार दिउसो भेटघाट भएको हो ।

पछिल्लो समय पार्टीभित्रको विवाद र बहसको बारेमा सामाजिक सञ्जाल र सञ्चार माध्यममा विषयहरु छताछुल्ल बनेका थिए । विशेषगरि दुई अध्यक्षहरु थापा र लोहनीबीच सामाजिक सञ्जालमै आरोप–प्रत्यारोप भएको थियो ।

सामाजिक सञ्जालमार्फत अध्यक्ष थापाले अर्का अध्यक्ष लोहनीलाई पार्टी एकता भाँड्न लागि परेको आरोप लगाएका थिए ।

विवादका बीच भएको भेटवार्ता सकारात्मक रहेको अध्यक्ष कमल थापाले जानकारी दिएका छन् । सामाजिक सञ्जाल ट्विटरमार्फत उनले भेटवार्टा सौहार्दपूर्ण सम्पन्न भएको र सहमती र समझदारीबाट अगाडि बढ्ने सहमती भएको बताएका छन् ।

सामाजिक सञ्जालमा थापाले लेखेका छन्–‘राप्रपा त्रय अध्यक्षहरूको बैठक आज सौहार्दपूर्ण वातावरणमा सम्पन्न भयो। बैठकले सहमति र समझदारीबाटै सबै समस्या समाधान गरी पार्टी एकता अक्षुग्ण राख्ने प्रतिबद्धता व्यक्त गरेको छ।’

राप्रपा त्रय अध्यक्षहरूको बैठक आज सौहार्दपूर्ण वातावरणमा सम्पन्न भयो। बैठकले सहमति र समझदारीबाटै सबै समस्या समाधान गरी पार्टी एकता अक्षुग्ण राख्ने प्रतिबद्धता व्यक्त गरेको छ। pic.twitter.com/pvnLggnEz8

— Kamal Thapa (@KTnepal) September 16, 2020