हामी सबैकाे संसारन्यूज

३१ भदौ, काठमाडौँ । पर्वतको दक्षिणी भेगका सामाजिक ब्यक्तित्व रामबहादुर थापा मगरको निधन भएको छ ।
बुवा जयबहादुर थापा मगर र आमा याम कुमारी थापा मगरबाट वि.सं २००७ माघ १८ मा जन्मिएका थापाको भदौ ३१ गते निधन भएको हो ।

भारतीय सेनाको हेनरी नायब सुब्दारबाट निवृत्त उनले २०४८ सालमा साविक एमालेको पार्टी सदस्यता लिएको, २०५४ सालमा हुवास गाविसको ३ नं वडा अध्यक्षमा निर्वाचित भएको, जनसेवा माविमा लामो समयसम्म संचालक समितिमा रहि काम गरेको, हटिया धरादी खानेपानीको अध्यक्ष भई जनताको घरघरमा पानी पु¥याएको, २०५४ मा भुपु सैनिक संगठनको इलाका १० वार्ड अध्यक्ष हुँदै इलाका १० को अध्यक्ष एवम् जिल्ला कमिटी सदस्य र हाल सत्तारुढ नेकपाको पार्टी सदस्यको रुप पार्टीप्रति योगदान पु¥याएको कुरा नेकपा नेता रेशम न्यौपानेले बताएका छन् ।

उनको निधनपछि नेकपाका नेताहरु जयनारायण तिवारी, मित्रलाल बस्याल, याम कुमारी राना र चोकलाल न्यौपाने लगायतले पार्टी झण्डा ओढाइ सम्मान दिएका थिए । नेकपा पैयुका अन्य नेताहरु, बिभिन्न राजनैतिक दलका ब्यक्तिहरु र ब्यवसायी तथा समाजसेवीहरुले उनीप्रति श्रद्धान्जली दिएका थिए ।

राम बहादुरको परीवारका सदस्य श्रीमति धन कुमारी थापा छोराहरु विनोद थापा, निर्मल थापा बुहारीहरु पार्वती थापा र विजुना थापा, छोरीहरु सिता थापा, रिना थापा, सिमा थापा, रोजिना थापा लगायतलाई पर्न गएको दुखद् घडिमा सान्त्वना दिन पैयूबासीको ठूलो उपस्थिति रहेको बताइएको छ ।