हामी सबैकाे संसारन्यूज

काठमाडौं । नेपाल कांग्रेसका नेता धनराज गुरुङ्गले कोरोना नियन्त्रण तथा रोकथाममा सरकार पूर्णं असफल देखिएको टिप्पणी गरेका छन् । गुरुङ्गले समुदाय स्तरमै कोरोना फैलिरहेको बेला परिक्षण घटाउनु सरकारको असक्षमताको पराकाष्ठा भएको बताए ।

कोरोना महामारीको बेला आर्थिक क्षेत्रलाई सन्तुलनमा ल्याउन सरकारले एउटा पनि कार्ययोजना बनाउन नसकेको गुरुङ्गको भनाई छ । उनले सरकारमा बस्नेले कोरोना नियन्त्रणभन्दा लकडाउनलाई भ्रष्टाचार गर्ने मौकाको रुपमा प्रयोग गरेको आरोप लगाए ।

कोरोना बिरुद्ध लड्ने र आर्थिक क्षेत्रलाई पनि सन्तुलित बनाएर राख्ने सरकारले कुनै कार्ययोजना बनाएन। लकडाउनलाई सरकारले भ्रष्टाचार गर्ने मौकाको रुपमा मात्रै प्रयोग ग-यो। कोरोना संक्रमण समुदायस्तरमै फैलिरहेको हालको अबस्थामा उल्टै परिक्षणको दायरा घटाउनु सरकारको असक्षमताको पराकाष्ठा हो।

— Dhan Raj Gurung (@dhanrgrg) September 17, 2020

सामाजिक सञ्जालमा गुरुङ्गले भनेका छन्, ‘कोरोना बिरुद्ध लड्ने र आर्थिक क्षेत्रलाई पनि सन्तुलित बनाएर राख्ने सरकारले कुनै कार्ययोजना बनाएन। लकडाउनलाई सरकारले भ्रष्टाचार गर्ने मौकाको रुपमा मात्रै प्रयोग गर्यो। कोरोना संक्रमण समुदायस्तरमै फैलिरहेको हालको अबस्थामा उल्टै परिक्षणको दायरा घटाउनु सरकारको असक्षमताको पराकाष्ठा हो।’

पछिल्लो समय लकडाउन खुल्ला गरेसँगै कोरोना संक्रमितको संख्या ह्वात्तै बढेको छ । कोरोना संक्रमण समुदायस्तर पुगिरहेको सरकारी भनाई सार्वजनिक भईरहेको बेला संक्रमितको पहिचान र उपचारमा भने सरकारले उदासिनता देखाउन थालेको देखिन्छ । जसको चौतर्फी आलोचना भईरहेको छ ।