हामी सबैकाे संसारन्यूज

काठमाडौं । जनता समाजवादी पार्टीका नेता बाबुराम भट्टराईले पाँच शिर्षकमा संविधान संशोधन गर्नुपर्ने बताएका छन्। संविधान दिवसकाे अवसरमा सामाजिक सञ्जालमार्फत बाेल्दै उनले संविधानका अपूर्णतालाई संशोधनबाट पूर्णता दिनुपर्ने बताए ।

पूर्वप्रधानमन्त्रीसमेत रहेका नेता भट्टराईले महिलालाई पुरूष सरह नागरिकताको व्यवस्था गर्नुपर्ने बताएका छन् । उनले पहिचान र सामर्थ्यको आधारमा संघीय पुनर्संरचना, प्रत्यक्ष निर्वाचित कार्यकारी र पूर्ण समानुपातिक संसदको व्यवस्था गर्नुपर्ने बताएका छन् ।

भ्रष्टाचार रोक्न जनलोकपाल र अदालतको पुनर्संरचना गर्न बाबुरामकाे माग छ ।

यस्ताे छ भट्टराईकाे ट्विट

संविधानका अपूर्णतालाई संशोधनबाट पूर्णता दिंदै सबैले संविधानदिवस सगर्व मनाउन यसो गरौं:१.महिलालाई पुरूष सरह नागरिकताको व्यवस्था;२.पहिचान र सामर्थ्यको आधारमा संघीय पुनर्संरचना;३.प्रत्यक्ष निर्वाचित कार्यकारी र पूर्ण समानुपातिक संसद;४.भ्रष्टाचार रोक्न जनलोकपाल;५.अदालतको पुनर्संरचना!

— Baburam Bhattarai (@brb1954) September 19, 2020