हामी सबैकाे संसारन्यूज

४ असोज, काठमाडौं । साताको पहिलो दिन अाइतबार सेयर बजार परिसूचक सामान्य अंकले बढेको छ । अघिल्लो दिनको तुलनामा परिसूचक औसतमा ३ अंकले बढेर १५७५.१८ बिन्दुमा पुगेको नेप्सेले जनाएको छ । त्यस्तै ठूला कम्पनीको कारोबार मापक सेन्सेटिभ पनि १.१२ अंकले बढेर ३१३.६२ बिन्दुमा पुगेको छ । कारोबार रकम भने अघिल्लो दिनको तुलनामा झण्डै १ अर्बले घटेको छ ।

आज कूल सूचिकृतमध्ये १८८ कम्पनीको २ अर्ब ७३ करोड ९३ लाख २८ हजार २० रुपैंयाँ बराबरको ९२ लाख १७ हजार ५४८ कित्ता सेयर किनबेच भएको पनि नेप्सेले जनाएको छ । तिनको कारोबारमा ६४ हजार ४७२ पटक लेनदेन भएको छ ।

आज बैंक, बिकास बैंक र बित्त कम्पनी बाहेक सबै ९ वटै कम्पनी उपसूचक समूहको परिसूचक ओरालो लागेको छ । नेप्सेमा झिनो अंकको बृद्धि हुँदा पनि १२ कम्पनीको सूचकमा सकारात्मक सर्किट लागेको छ ।

आजको बजारमा ७० कम्पनीका लगानीकर्ताहरुले कमाएका छन भने ९० कम्पनीका लगानीकर्ताहरुले गुमाएका छन् । त्यस्तै ७ कम्पनीको सूचकमा कुनै पनि परिवर्तन आएको छैन ।

कारोबार रकमाको आधारमा आज रिलायन्स लाईफले पूनर्बीमा कम्पनीलाई पछिपार्दै शिर्ष स्थानमा उक्लिएको छ । उसको आज १९ करोड ४७ लाख ६४ हजार ५१६ रुपैंया बराबरको कारोबार भयो । बजार बन्द हुँदा उसको प्रतिकित्ता सेयरमूल्य ६६५ रहेको थियो ।

त्यस्तै दोस्रो स्थानमा झरेको नेपाल पूनर्बीमा कम्पनीको १६ करोड २९ लाख ४० हजार १९७ रुपैंयाँ बराबरको कारोबार भएको छ ।

नेपाल बैंक लिमिटेडको १४ करोड २० लाख ६५ हजार ९२५ रुपैंयाँ बराबरको कारोबार भएको छ भने सिभिल बैंक लिमिटेडको ७ करोड ५० लाख ५० हजार ३३४ तथा अरुण काबेली पावर लिमिटेडको ७ करोड ३६ लाख ५० हजार ५९९ रुपैंयाँ बराबरको सेयर कारोेबार भएको छ ।

कारोबार संख्याको आधारमा भने सिभिल बैंक लिमिटेड शिर्ष स्थानमा रह्यो । उसको ४ लाख ५६ हजार ६३४ कित्ता सेयर किनबेच भएको छ । त्यस्तै नेशनल हाईड्रो पावर, नेपाल बैंक लिमिटेड, तथा अरुण काबेली पावर लिमिटेड क्रमशः दोस्रो, तेस्रो र चौथो स्थानमा रहेका छन ।

आजको बजारमा खानिखोला जलबिद्युत, रिलायन्स फाईनान्स, सप्तकोशि बिकास बैंक, घलेम्दी हाईड्रो लगायत १२ कम्पनीको सूचकमा सकारात्मक सर्किट लागेको छ ।

Index	Current	Points Change	%Change
NEPSE	1,575.18	3	0.19
Sensitive	313.62	1.12	0.36
Float	109.29	0.47	0.43
Sen. Float	103.14	0.56	0.55

Sub-Indices	Current	Points Change	%Change
Banking	1,268.79	19.41	1.55
Hotels	1,787.88	96.65	5.13
Development Bank	1,863.84	25.88	1.41
HydroPower	1,237.68	52.37	4.06
Finance	755.51	28.66	3.94
Non Life Insurance	8,077.36	70.11	0.86
Manu.& Pro.	3,064.01	2.17	0.07
Others	1,010.33	10.36	1.01
Microfinance	2,591.65	13.81	0.53
Life Insurance	9,823.69	56.26	0.57
Mutual Fund	10.87	0.1	0.95