Sansar News
४ असोज, काठमाण्डौं । नेपालमा आज पनि कोरोना संक्रमणबाट उपत्यकाका ६ जनासहित १० जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार आज ७ जिल्लाका १० जनाको मृत्यु भएको छ । जसमा ६ जना महिला र पुरुष ४ रहेका छन् ।
मन्त्रालयका अनुसार आज काठमाण्डौंका ४०, ६० र ६३, वर्षीया गरी ३ जना, ललितपुरकी ७५ वर्षीया, भक्तपुरकी ७२ वर्षीया र पाल्पाकी ४० वर्षीया गरी ६ जना महिलाको मृत्यु भएको हो ।
त्यसैगरी धनुषाका ७६ वर्षीय,काठमाडौंका ८२ वर्षीय, चितवनका ८० वर्षीय र रुपन्देहीका ६७ वर्षीय गरी ४ पुरुषको मृत्यु भएको हो ।
.
आज थपिएका १० जनासँगै नेपालमा कोरोना संक्रमणबाट ज्यान गुमाउनेको संख्या ४११ पुगेको छ । मन्त्रालयका अनुसार कूल संक्रमित मध्ये मृत्यु हुनेको यो संख्या ०.६४ प्रतिशत हो ।
कोरोना संक्रमणबाट आज ७ महिलासहित ११ जनाको मृत्यु, मृतकको संख्या ४०१ पुग्यो
वि.सं.२०७७ असोज ४ आइतवार १७:१५ मा प्रकाशित
