Sansar News
३ असोज, काठमाण्डौं । नेपालमा आज पनि कोरोना संक्रमणबाट ७ महिलासहित ११ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार आज ८ जिल्लाका ११ जनाको मृत्यु भएको छ । जसमा ७ महिला र ४ पुरुष रहेका छन् ।
मन्त्रालयका अनुसार आज मोरङकी ६५ वर्षीया, रौतहटकी ५१ वर्षीया, सर्लाहीकी ५६ वर्षीया, ललितपुरकी ७६ र ६८ वर्षीया, काठमाडौंकी ७७ वर्षीया र मकवानपुरकी ३७ वर्षीय महिला गरी ७ जनाको कोरोना संक्रमणबाट मृत्यु भएको हो ।
त्यस्तै ललितपुरका ६० वर्षीय, काठमाडौंका ७५ वर्षीय, रुपन्देहीका ६९ वर्षीय र बाँकेका ४५ वर्षीय गरी ४ पुरुषको पनि कोरोना संक्रमणबाट मृत्यु भएको मन्त्रालयले जनाएको छ ।
आज थपिएका ११ जनासँगै नेपालमा कोरोना संक्रमणबाट ज्यान गुमाउनेको संख्या ४०१ पुगेको छ ।
कोरोना संक्रमणबाट आज ७ जनाको मृत्यु, मृतकको संख्या ३९० पुग्यो
वि.सं.२०७७ असोज ३ शनिवार १७:२४ मा प्रकाशित
