Sansar News
काठमाडौं । अब आईपिओमा आवेदन दिँदा पिन कोड अनिवार्य प्रयोग गर्नुपर्ने भएको छ । आईपिओमा मेरो शेयर मार्फत आवेदन दिँदा यस अघि वान टाइम पासवर्डको प्रयोग हुने गरेकोमा अब चार डिजिटको पिन कोड आवश्यक पर्ने भएको हो ।
सिडीएसले वान टाइम पासवर्डलाई प्रतिस्पथापन गरेर पिन कोडको व्यवस्था लागु गरेको हो । मेरो शेयरमा लग इन् गर्दा लगानीकर्ता स्वयंले ४ डिजिटको पिन सेट गर्नु पर्ने र आईपिओमा आवेदन दिँदा सोहि कोड प्रयोग गर्नु पर्ने ब्यबस्था सिडीएसले गरेको हो ।
यसबाट मेरो शेयर सफ्टवेयर थप सुरक्षित हुने सिडीएसले जनाएको छ ।
वि.सं.२०७७ असोज ४ आइतवार १७:४७ मा प्रकाशित
