हामी सबैकाे संसारन्यूज

जिन्दगीमा भागदौड यतिधेरै भएको छ कि, हाम्रो दिमागले एकैपटकमा धेरै गर्नुपरिरहेको छ । दिमागमा कामको धेरै लोड हुँदा कहिलेकाँही गर्नैपर्ने जरुरी काम गर्न पनि विर्सिरहेका हुन्छौं ।

यस्तो हुनुमा कामको चाप मात्र नभएर खानपानले पनि हाम्रो शरीरमा असर पारिरहेको हुन्छ । यसले शरीरमा मात्र नभएर स्मरणशक्तिमा पनि असर पारिरहेको हुन्छ भने उमेर बढ्दै जाँदा अल्जाइमरको समस्या पनि हुने सम्भावना बढ्दै जान्छ ।

यदि स्वस्थ्य खानपिनमा ध्यान दियौं र दैनिक खानपिनमा यी कुरा पनि सामेल गर्यौ भने अल्जाइमर हुनबाट बच्न सकिने स्वास्थ्यविज्ञ बताउँछन् ।

यदि तपाई धेरैपटक केही चिज राखेर विर्सनुहुन्छु  वा कुनैपनि जरुरी भनेको काम गर्न विर्सनु भयो भने तपाईले बुझ्नुपर्ने हुन्छ तपाईको स्मरण शक्ति कमजोर हुँदै गइरहेको छ । हाम्रो दिमागलाई पोषण तत्व नपुग्नाले विर्सने समस्या हुन्छ । पछिल्ला समय हामीले खाने खानामा प्रसस्त मात्रामा पोषकतत्व नहुँदा पनि यस्ता समस्या आउने गरेका हुन्छन् ।

आउनुहोस् जानौं स्मरणशक्ति बलियो बनाउन स्वास्थ्य खानपानका साथै अन्य के खाने त ?

ओखर-ओखरले पनि स्मरणशक्ति बढाउ महत्वपूर्ण भूमिका खेल्ने बताइन्छ । २० ग्राम ओखर, १० ग्राम किशमिश खानाले स्मरण शक्ति बलियो बनाउँछ ।

स्याउ- भनिन्छ दैनिक एउटा स्याउ खानाले शरीर स्वस्थ्य हुने र धेरैप्रकारका रोगबाट बचाउन सहयोग गर्दछ । स्याउले स्मरण शक्ति दुरुस्त राख्न सहयोग गर्दछ । स्याउमा पाइने पेक्टिन नामक विशेष फाइवर हुनाले यसले इम्यून पावर बढाउने र स्मरणाशक्ति चुस्त दुरुस्त राख्ने स्वास्थ्य विज्ञ बताउँछन् ।

आलमन्ड बदाम-बदामले पनि स्मरणशक्ति बढाउन सहयोग गर्दछ । दिनहुँ राति ९–१० वटा बदाम भिजाएर बिहान त्यसको बोक्रा निकालेर पेस्ट बनाउने र तातो दूधमा राखेर एक चम्चा मह मिसाएर खाँदा पनि स्मरणशक्ति बढाउन सहयोग गर्दछ ।

कफी पिउनुहोस्–कफीमा भएको क्याफिनले दिमाग सक्रिय बनाउन सहयोग गर्दछ ।

आलस-आलसको तेलमा ओमेगा फ्याटी एसिड हुन्छ जुज दिमागको स्मरणशक्ति बढाउनुका साथै बिर्सने बानी कम गराउन सहयोग गर्दछ ।