Sansar News
काठमाडौं । सनराइज बैंकले डिजिटल टेलर बैकिङ्ग सेवा सुरु गरेको छ । बैंकले बिहिबार एक विज्ञप्ती सार्वजनिक गर्दै बैंकका काउण्टरमार्फत नगद झिक्न् प्रक्रियालाई सहज बनाउन डिजिटल टेलर सेवा सुरु गरेको जनाएको हो ।
बैंकले जनाएअनुसार डिजिटल टेलर सेवामार्फत बैंकको चेक तथा एटिएम कार्ड बिना नै रकम झिक्न सकिनेछ । बैंकमा खाता हुने ग्राहक आफ्नो मोबाइल बैंकिङ एप्लिकेसन सनराइज स्मार्टको प्रयोग गरी बैंकका काउन्टरहरुमा रहेका क्यूआर कोड स्क्यान गरी नगद प्राप्त गर्न सक्नेछन्।
यो सेवा प्रयोगकर्ताले बैंकको शाखाहरुमा रहेको क्यूआर कोड स्क्यान गरी एक दिनमा १ लाख रुपैंया र प्रति महिनामा १० लाख रुपैयाँसम्म नगद निकाल्न सक्ने बैंकले जनाएको छ।
वि.सं.२०७७ असोज ८ बिहीवार १८:०१ मा प्रकाशित
