Sansar News
८ असोज, काठमाण्डौं । नेपालमा आज पनि कोरोना संक्रमणबाट १७ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार आज १२ जिल्लाका १७ जनाको मृत्यु भएको हो । जसमा ५ महिला र १२ जना पुरुष रहेका छन् ।
मन्त्रालयका अनुसार आज मोरङकी ५५ वर्षीया, सुनसरीकी ८१ वर्षीया, भक्तपुरमा ७३ वर्षीया, काठमाडौंकी ८२ वर्षीया र धादिङ ३२ वर्षीया महिला गरी ५ जनाको मृत्यु भएको हो ।
त्यसैगरी झापाको ७६ वर्षीय, धनुषाका ६८ र ७० वर्षीय, रौतहटका ६५ वर्षीय, भक्तपुरका ८४ वर्षीय, काठमाडौंका ७५, ७९ र ८० वर्षीय ३ पुरुष, तनहुँका ३९ वर्षीय, दाङका ३९ वर्षीय, कपिलवस्तुका ५० वर्षीय र नवलपरासीका ५५ वर्षीय पुरुष गरी १२ जनाको मृत्यु भएको हो ।
आज थपिएका १७ जनासँगै नेपालमा कोरोना संक्रमणबाट ज्यान गुमाउनेको संख्या ४५३ पुगेको छ ।
नेपालमा आज कोरोना संक्रमणबाट ६ जनाको मृत्यु, मृतकको संख्या ४३६ पुग्यो
वि.सं.२०७७ असोज ८ बिहीवार १७:०६ मा प्रकाशित
