हामी सबैकाे संसारन्यूज

असोज ९, काठमाडौँ । किंग्स इलेवन पंजाबका कप्तानको केएल राहुलले रोयल च्यालेन्जर्स बेङ्गलोर विरुद्धको खेलमा सतक बनाएका थिए । उनकै विस्फोटक ब्याटिङ्गमा पंजाबले बेङ्गलोरलाई ९७ रनले पराजित गरेको थियो ।

बेङ्गलोर विरुद्धको खेलमा केएल राहुल ६९ बल खेल्दैँ १३२ रन बनाएर नटआउट रहेका थिए । त्यस क्रममा उनले ५ नयाँ किर्तिमानहरु आफ्नो नाममा गरेका छन ।

राहुलले बनाएका ५ नयाँ किर्तिमानहरु यस प्रकारका रहेका छन ।

१. केएल राहुल आईपिएलमा कप्तानका रुपमा र टि-२० विकेट किपरका रुपमा एकै खेलमा सर्वाधिक रन (६९ बलमा १३२ रन) बनाउने खेलाडी  बनेका छन ।

२. आईपिएलको एकै खेलमा भारतीय खेलाडीले बनाएको यो सबै भन्दा उच्च रन हो । यस अघि दिल्लीका रिषभ पंतले एक खेलमै १२८ रन बनाएका थिए ।

३. केएल राहुल टि-२० क्रिकेटमा विभिन्न ४ देशमा गएर सतक बनाउने पहिलो भारतीय खेलाडी समेत बनाएका छन ।

४. बेङ्गलोर विरुद्धको खेलमा केएल राहुलले आईपिएलमा आफ्नो २ हजार रन पुरा गरेका थिए । उनले सचिनलाई पछि पादैँ आईपिएलमा सबै भन्दा कम खेल खेल्दैँ २ हजार रन पुरा गर्ने पहिलो भारतीय खेलाडी बनेका छन ।

५. केएल राहुल युएईमा अहिलेसम्म भएको टि-२० क्रिकेटको एकै खेलमा सर्वाधिक रन बनाउने खेलाडी समेत बनेका छन । यस अघि आयरल्याण्डका विलियम पोर्टरफिल्डले युएईमा भएको अमेरीका विरुद्धको टि २० खेलमा १२७ रन बनाएका थिए ।