Sansar News
काठमाडौं । चिकित्सा क्षेत्रमा सुधारको माग राख्दै अनशनरत डा. गोविन्द केसीको समर्थनमा अर्को अनशन सुरु भएको छ । तनहुँको व्यास नगरपालिका १० का सागर घिमिरे र विनोद हमालले शुक्रबारदेखि केसीको समर्थनमा अनशन सुरु गरेका हुन् ।
उनिहरुले शुक्रबार बिहान ११ बजेदेखि अनशन सुरु गरेका थिए । उनिहरुले आफ्नो अनशन १९ घण्टा अर्थात् शनिबार बिहान ६ बजेसम्म जारी रहने बताएका छन् ।
अनशनरत डा. गोविन्द केसीको माग पुरा गर्न दबाब दिने उद्देश्यका साथ अनशन सुरु गरेको उनीहरुको भनाई छ । उनीहरुको अनशनप्रति दमौलीमा अन्य युवाहरुले समेत एक्यबद्धता जनाएका छन् ।
यसैबीच अनशन सुरु भएसँगै दमौलीका युवाहरु केसीको समर्थनमा प्रदर्शन गर्ने तयारी गरेका छन् । जनाइएअनुसार शनिबार बिहान ९ बजेदेखि युवाहरु केसीको समर्थनमा र्याली निकाल्ने तयारीमा छन् । सामाजिक दुरी कायम गरि प्रदर्शन गरिने तयारी भएको स्थानीय युवा राजेशकुमार श्रेष्ठले जानकारी दिए ।
वि.सं.२०७७ असोज ९ शुक्रवार १७:५० मा प्रकाशित
