Sansar News
काठमाडौं । एसिड आक्रमण गर्नेलाई कडा कारबाही गर्ने गरि अध्यादेश पारित भएको छ । बिहिबार बसेको मन्त्रिपरिषद बैठकले फौजदारी कसुर तथा फौजदारी कार्यविधिसम्बन्धी केही ऐन संशोधन गर्न बनेको अध्यादेश पारित गरेको हो ।
कानुन, न्याय तथा संसदीय मन्त्रालका अनुसार पारित अध्यादेशमा एसिड छ्यापेर कसैको मृत्यु भएमा जन्मकैद र घाइते, अंगभंग वा शरीरका कुनै अंगमा क्षति पुऱ्याए २० वर्ष कैद र १० लाख क्षतिपूर्ति भराउने व्यवस्था छ ।
हालसम्म भएका कानूनी प्रावधानमा एसिड आक्रमणमा कसैको मृत्यु भएमा जन्मकैद र घाईते वा अंगभंग भएमा अधिकतम ८ वर्षसम्म कैद सजायँ हुने व्यवस्था छ । त्यस्तै एसिड आक्रमणसम्बन्धी कसुरमा अभियुक्तविरुद्व ज्यान मार्ने उद्योगअन्तर्गत कारबाही हुने व्यस्था छ ।
जहाँ अधिकतम १० वर्षसम्म कैद सजायँ हुने व्यवस्था छ । भएका कानूनी प्रावधान कमजोर भएको भन्दै सरकारले अध्यादेशमार्फत एसिडसम्बन्धी छुट्टै कानून बनाउन लागेको हो ।
यस्तो छ अध्यादेश
सम्बन्धित समाचार
वि.सं.२०७७ असोज ९ शुक्रवार १७:३३ मा प्रकाशित
