Sansar News
१० असोज, काठमाडौं । नेपालमा आज पनि कोरोना संक्रमणबाट ८ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार आज ७ जिल्लाका ८ जनाको मृत्यु भएको छ । जसमा आठैजना पुरुष रहेका छन् ।
मन्त्रालयका अनुसार आज सप्तरीमा ६३ वर्षीय, काठमाडौंका २० वर्षीय र ७४ वर्षीय, भक्तपुरका ८८ वर्षीय, मकवानपुरका ७४ वर्षीय, ललितपुरका ७६ वर्षीय, रुपन्देहीका ७२ वर्षीय र कैलालीका ३० वर्षीय गरी ८ जनाको मृत्यु भएको हो ।
आज थपिएका ८ जनासँगै नेपालमा कोरोना संक्रमणबाट ज्यान गुमाउनेको संख्या ४७६ पुगेको छ । स्वास्थ्य मन्त्रालयका अनुसार कूल संक्रमित मध्ये ज्यान गुमाउनेको यो संख्या ०.६५ प्रतिशत हो ।
कोरोना संक्रमणबाट नेपालमा आज थप ६ जनाको मृत्यु, मृतकको संख्या ४५९ पुग्यो
वि.सं.२०७७ असोज १० शनिवार १६:५८ मा प्रकाशित
