हामी सबैकाे संसारन्यूज

१० गते,असोज । हुम्लाको हुम्लाको नाम्खामामा निर्माण गरिएका भवन चिनियाँ भूभागमै रहेको निष्कर्ष निकालिएको छ ।

चिनियाँ पक्षले नेपाली भूभागमा भवन बनाएको भन्ने बारेमा स्थलगत अनुगमन गरी फर्किएको नेपाली टोलीले उक्त निष्कर्ष निकालेको हो ।

दुवै देशका अधिकारीले दुई देशको नक्साको अध्ययन गर्दा भवनहरु चिनियाँ भूमिमै रहेको ठहर गरेको हो । नेपाली भूमि मिचिए नमिचिए बारे हुम्लाका प्रमुख जिल्ला अधिकारी, नेपाली सेनाका सेनानी, सशस्त्र प्रहरी बलका प्रहरी नायब उपरीक्षक लगायत दुई दर्जन बढीको अध्ययन टोलीले स्थलगत अध्ययन गरेको थियो । सीमा अनुगमन टोलिले नेपाली पक्षले हराएको भनिएको ११ नम्बर सीमा स्तम्भ पत्ता लगाएको थियो ।

नेपाल र चीनको सिमाना लाप्चा क्षेत्रमा नेपाली भूमिमा चिनियाँ पक्षले घर बनाएको भनि आफूले दिएको अभिव्यक्तिप्रति हुम्लाका सहायक प्रमुख जिल्ला अधिकारी दत्तराज हमालले क्षमा मागेका छन् । सहायक प्रजिअ हमालले गृह मन्त्रालयले मागेको २४ घण्टे स्पष्टीकरणमा जवाफ दिँदै क्षमायाचना गरेका हुन् ।

परराष्ट्र मन्त्रालयले यसअघि नै भवन नेपाली भूमिमा नबनेको स्पष्टीकरण दिइसकेको थियो ।