हामी सबैकाे संसारन्यूज

काठमाडौं । सत्तारुढ नेपाल कम्युनिष्ट पार्टी (नेकपा) मन्त्रिमण्डल पुनर्गठनको तयारीमा छ । नेकपा उच्च स्रोतले जनाएअनुसार नेकपा नेतृत्वबीच क–कसलाई मन्त्री बनाउने र क–कसलाई हटाउने भन्ने करिब टुंगो लागिसकेको छ । बताइएअनुसार यो साताभित्रै मन्त्रिमण्डल पुनर्गठन हुनेछ ।

यस्तोमा हालका कुन मन्त्री रहने अनि कुन मन्त्री फालिने भनि चर्चा व्याप्त छ । नेकपा नेतृत्वबीच केहि मन्त्रीलाई राखेर अन्य मन्त्रीहरु परिवर्तन गर्ने गरि सहमती भएको छ ।

स्रोतले दाबी गरेअनुसार उपप्रधान तथा रक्षामन्त्री ईश्वर पोखरेल र गृहमन्त्री रामबहादुर थापा दोहोरिने निश्चित छ । त्यस्तै परराष्ट्रमन्त्री प्रदीप ज्ञवाली, कृषिमन्त्री घनश्याम भुषाल, पर्यटनमन्त्री योगेश भट्टराई र ऊर्जामन्त्री वर्षमान पुन पनि दोहोरिने निश्चित छ ।

प्रचण्डकी बुहारीसमेत रहेकी खानेपानीमन्त्री बिना मगरको नाम पनि दोहोरिने सुचीमा रहेको स्रोतले बताएको छ । अन्य मन्त्रीहरुलाई भने हटाएर नयाँ ल्याउने गृहकार्य अघि बढेको छ ।

नेकपाभित्र नयाँ मन्त्रीको रुपमा भीम रावल, सुरेन्द्र पाण्डे, जनार्दन शर्मा र पम्फा भुसालको नाम चर्चामा छ । साथै देवेन्द्र पौडेल, खगराज अधिकारी, हितबहादुर तामाङ, हरी अधिकारी, यज्ञराज सुनुवार, विशाल भट्टराइको नाम पनि नयाँ मन्त्रि बन्नेमा रहेको बताइन्छ ।