हामी सबैकाे संसारन्यूज

काठमाडौं –  सत्ताधारी नेकपाको मजदुर संगठन अखिल नेपाल यातायात मजदुर संघको औपचारिक रुपमा विभाजन भएको छ । एकता प्रक्रिया अगाडि बढ्ने क्रममा नै पुर्व नेकपा (माओवादी केन्द्र) निकट अखिल नेपाल यातायात मजदुर संघ विभाजन भएको हो । अखिल नेपाल यातायात मजदुर संघका पुर्व उपाध्यक्ष राजेन्द्र शर्मा नेतृत्वको समुहले संघको औपचारिक विभाजन गरि ‘नेपाल प्रगतिशिल यातायात श्रमिक संगठन’ गठन गरेको संगठनका अध्यक्ष शर्माले सन्सारन्युजलाई बताए ।

नवगठित संगठनका अध्यक्ष शर्माका अनुसार देशैभरिका १० हजार मजदुरहरुको हस्ताक्षर संकलन गरि संगठन विधिवत रुपमा दर्ता भएको छ । संगठनमा अध्यक्ष राजेन्द्र शर्मा र महासचिव गुरुप्रसाद धिताल सहित २३ सदस्यिय केन्द्रिय समिति रहेको अध्यक्ष शर्माले बताए । ‘हामीले भिन्न संगठनको दर्ता पश्चात पार्टी अध्यक्षलाई औपचारिक पत्र सहित जानकारी गराइसकेका छौं,’ शर्माले सन्सारन्युजलाई बताए ।

पुर्व माओवादी निकट मजदुर संगठन अनुसासित र विधिवत हिसावले सञ्चालन नभएकोले भिन्न संगठन बनाएर अगाडि बढेको नवगठित संगठनका अध्यक्ष राजेन्द्र शर्माको भनाई छ । ‘हामीले फरक संगठन मजदुर आन्दोलनलाई अझ व्यवस्थथित र घनिभुत बनाउनका लागि बनाएका हौं तर हामीले पार्टीबाट विद्रोह गरेका हैनौ, हामीले हाम्रा सम्पुर्ण गतिविधि पार्टीको विचार र संगठनमा नै रहेर गरिरहेका छौं,’ अध्यक्ष शर्माको भनाई छ ।

अहिले नेपाल राष्ट्रिय प्रगतिशिल यातायात श्रमिक संगठनले पुर्व माओवादी निकट अखिल नेपाल यातायात मजदुर संघको समानान्तरमा देशव्यापी संगठन विस्तार र कार्यक्रमको सञ्चालन गरिरहेको छ । ‘अहिले हामीले पार्टिभित्र तिनवटा मजदुर संगठनमा बराबरी हाराहारीको मजदुर संगठन निर्माण गरिसकेका छौं, हाम्रा गतिविधिहरु अझ अरु संगठनको तुलनामा प्रभावकारी र मजदुरको हितमा रहेका छन्,’ अध्यक्ष शर्माले सन्सारन्युजलाई बताए ।

हेर्नुहाेस राजेन्द्र शर्माकाे समुहले नेकपा अध्यक्ष प्रचण्डलाइ बुझाएकाे पत्र