हामी सबैकाे संसारन्यूज

काठमाडौं । ‘द न्यूयोर्क टाइम्स’ले अमेरिकी राष्ट्रपति डोनाल्ड ट्रम्पले कर छल्दै आएको कुरा खुलासा गरेको छ । न्यूयोर्क टाइम्सको रिपोर्टअनुसार पछिल्लो १५ वर्षमा ५ वर्षको मात्रै उनले कर तिरेका छन् ।

उनी राष्ट्रपति भएको वर्ष सन् २०१६ मा ७५० डलर मात्रै कर तिरेका छन् । उनको फर्मले पनि यसबीच जम्मा १ लाख ४५ हजार ४ सय डलर तिरेको पाइएको छ ।

कर नतिर्नुको कारणमा उनले आफुँले कमाएभन्दा बढि घाटा भएको विवरण पेस गरेका छन् । उनको कर छलीबारेको विषय अहिले चुनावी मसला पनि बनेको छ ।

चुनावी र्यालीमा कर उठाउने कुरा उठाएका थिए

राष्ट्रपति ट्रम्पले भने कर नतिरेको कुरा झुटा भएको बताएका छन् । उनले आफुँविरुद्व फैलाएको ‘फेक न्यूज’ भएको बताए । उनले राष्ट्रपतिको लागि निजी वित्तिय विवरण सार्वजनिक गर्न आवश्यक नभएको बताए ।

तर, ट्रम्पले सन् २०१६ मा चुनावी र्यालीमाको क्रममा कर छलीलाई न्यूनीकरण गर्ने मुद्दा उठाएका थिए । जुन मुद्दामा धेरैले विश्वास गरेका थिए । एजेन्सीबाट