हामी सबैकाे संसारन्यूज

काठमाडौं । पूर्वप्रधानमन्त्री एंव जनता समाजवादीका वरिष्ठ नेता डा. बाबुराम भट्टराईले चाडबाडको बेलामा पनि विदेशिनु पर्ने युवाहरुको अवस्थाले देशको धरातलीय यथार्थता प्रस्तुत गरेको बताएका छन् । उनले युवाहरुको बाध्यताले ‘राष्ट्रवाद’माथि कु्रर व्यंग्य गरेको पनि टिप्पणी गरे ।

सामाजिक सञ्जालमार्फत भट्टराईले भनेका छन्, ‘चाडबाडको मुखमा स्वदेश फर्कनु सट्टा मुग्लान पस्न बाध्य हुने युवाहरूको ताँती ! देशको यो कुरूप र तीतो धरातलीय यथार्थ ! हाम्रो ‘राष्ट्रवाद’माथिको क्रूर व्यंग्य !’

उनले हाम्रो अवस्थाले हाम्रा विकासका नारामाथि भद्दा मजाक गरिरहेको उनको तर्क छ । जसमा सबैले जिम्मेवारी लिँदै आत्माआलोचना पनि गर्नुपर्ने बताए ।

‘हाम्रा विकासका नारा माथिको भद्दा मजाक ! जिम्मेवार सबैले मम: भनौं ! सामुहिक आत्मालोचना गरौं !’ सामाजिक सञ्जालमा भट्टराईले भनेका छन्, ‘नयाँ पुस्ताले अपूरो क्रान्ति पूरा गरोस् !’

कोरोना महामारीको सूरुवात भएसँगै स्वेदश फर्किने युवाहरु पुनः अहिले विदेश फर्किरहेका छन् । बेरोजगार भएसँगै आधारभूत समस्यामा परेका उनीहरु समाधान खोजीका लागि भारतसहित तेस्रो देश हानिएका हुन् । अहिले त्रिभूवन विमानस्थल र भारतका नाकाहरुमा युवाहरुको ताँती छ । जसबारे सरकार भने मौन छ ।

चाडबाडको मुखमा स्वदेश फर्कनु सट्टा मुग्लान पस्न बाध्य हुने युवाहरूको ताँती! देशको यो कुरूप र तीतो धरातलीय यथार्थ! हाम्रो ‘राष्ट्रवाद’माथिको क्रूर ब्यंग्य!हाम्रा विकासका नारा माथिको भद्दा मजाक!जिम्मेवार सबैले मम:भनौं!सामुहिक आत्मालोचना गरौं!नयाँ पुस्ताले अपूरो क्रान्ति पूरा गरोस्! https://t.co/FzQZ1xGmtT

— Baburam Bhattarai (@brb1954) September 29, 2020