Sansar News
१३ असोज, मुगु । जिल्ला अस्पातलमा उपचार गर्न आएका बिरामी तथा कुरुवाहरुका बच्चाका हेरचाहका लागि बाल हेरचाह कक्ष सुरु गरिएको छ ।
सामजिक सेवा सप्ताहको अबसरमा जिल्ला अस्पतालको नवर्मित भवनमा अस्पातालमा उपचार गर्न आएका बिरामि तथा कुरुवाहरुका बच्चाको हेरबिचारका लागि कर्णाली एकिकृत गाम्रिण अनुसन्धान केन्द्रको सहयोगमा बालबालिका हेरचाहकक्ष सुरु गरिएको हो ।
बिशेष गरी अस्पातलम उपचार गर्न आएका आमाहरुका लागि यो कक्ष उपयुक्त भएको छ । उपचार गर्दा आफना बालबालिकाहरुले दुःखदिने हुनाले यो अवधीमा बालबालिका खेलौना र अन्य मनोरञ्जनका सामग्रीमा भुल्ने भएकाले बालबालिका भएका आमाहरु बच्चाको कुनै चिन्ता नमानी उपचार गर्न सक्ने छन् ।
यो कक्ष सुरु भएपछी आफू जस्ता अन्य आमालाई उपचार गर्न सहज हुने छाँयानाथ रारा नगरपालिका—६ किमनदेबी रावलले बताइन् ।
अस्पतालमा उपचार गर्न आउने बिरामि तथा उनका कुरुवाका बालबालिकाका कारण अस्पतालमा स्वास्थ्यकर्मि तथा स्वयम बिरामि र कुरुवालाई समस्या हुने हुँदा उपचार अवधिमा बालबालिकाहरुलाई सामजिक सेवा दिबसको अबसरमा युनिसेफको ८५ हजार आर्थिक सहयोगमा बालबालिका हेरचाह कक्षमा आबश्यक पर्ने ४१ प्रकारका सामग्रीको ब्यवस्थागरी जिल्ला अस्पातललाई हस्तान्तरण गरिएको हो । बालबालिका हेरचाह कक्ष सुरु गरिएको किर्डाक नेपाल मुगुका जिल्ला संयोजक टेकबहादुर शाहीले जानकारी दिए ।
वि.सं.२०७७ असोज १३ मंगलवार १३:५० मा प्रकाशित
