Sansar News
काठमाडौं । मन्त्रिपरिषद पुनर्गठनका लागि भन्दै नेकपा अध्यक्ष एंव प्रधानमन्त्री केपी शर्मा ओली र अर्का अध्यक्ष पुष्पकमल दाहाल ‘प्रचण्ड’बीच केहि दिन यता निरन्तर संवाद छ । ओली र प्रचण्डबीच संवाद चलिरहँदा मन्त्रिपरिषद पुनर्गठनको विषय भने पेचिलोपूर्णं बन्न थालेको छ ।
गत भदौ २६ मा सम्पन्न नेकपा स्थायी समिति बैठकले मन्त्रिपरिषद पुनर्गठन गर्ने निर्णय गरेको थियो । स्थायी समितिको निर्णयअनुसार नै गत असोज ४ मा पार्टी कार्यालय पेरिसडाँडामा बसेको नेकपा सचिवालय बैठकले मन्त्रिपरिषद पुनर्गठन गर्ने नीतिगत निर्णय गरेको थियो ।
सचिवालय बैठकले मन्त्रिपरिषद पुनर्गठनको लागि केहि मोडेल पनि अगाडि सारेको थियो । बैठकले दुई अध्यक्षलाई पुनर्गठनबारे अन्तिम निर्णय लिन जिम्मेवारीसमेत दिने निर्णय गरेको थियो ।
सचिवालय बैठकको निर्णयपश्चात नै दुई अध्यक्षबीच निरन्तर संवाद चलिरहेको छ । गत बिहिबारदेखि दुई अध्यक्षबीच दैनिकजसो छलफल छ । मंगलबार पनि दुई अध्यक्षबीच झण्डै तीन घण्टासम्म छलफल चलेको थियो ।
तर, सहमती खोज्नका लागि चलेको छलफल निरन्तर निष्कर्ष विहिन बन्दै जान थालेको छ । प्रचण्ड निकटका एक स्थायी समिति सदस्यले बताएअनुसार ‘छलफल सहमती उन्मुख नभई पेचिलो पूर्णं’ बन्न थालेको छ ।
मोडालिटीमै असहमती
पेरिसडाँडा बैठकले मन्त्रिपरिषद पुनर्गठनको लागि ३ वटा मोडेल अगाडि सारेको थियो । बैठकले प्रधानमन्त्री बाहेक सबैलाई बिदाई गर्ने, दुई वर्ष पुरा गरेकालाई बिदाई गर्ने र कार्य सम्पादनको मुल्यांकनका आधारमा हेरफेर गर्ने मोडेल अगाडि सारेको थियो ।
तर, ओली–प्रचण्डबीच कुन मोडेलबाट अगाडि बढ्ने भन्ने विषयमा नै सहमती जुट्न सकेको छैन् । ‘प्रधानमन्त्री आफुँलाई मनपर्नेलाई राख्ने र बाहेकलाई बिदा गर्ने अडानमा देखिनु भएको छ, उहाँ स्थायी समितिको निर्णयलाई त्यति वास्ता गर्नुभएको देखिँदैन्’ ति सदस्यले भने, ‘कुन आधारमा पुनर्गठन गर्ने भन्ने उहाँको स्पष्ट देखिएन, उहाँले स्थायी समितिको निर्णयलाई पनि वास्ता गर्नुभएन, कार्यसम्पादन मुल्यांकनको आधारमा सहमती खोजे पनि निर्णयमा पुग्न सजिलो हुन्थ्यो त्यो पनि भएन ।’
सचिवालय बैठकमा प्रधानमन्त्री ओलीबोहका अन्य नेताहरुले सबै मन्त्रिहरु परिवर्तन गर्नुपर्ने प्रस्ताव राखेका थिए ।
वि.सं.२०७७ असोज १३ मंगलवार १७:५४ मा प्रकाशित
