Sansar News
१३ असोज, काठमाडौं । रुसले नेपाललाई कोरोनाविरुद्धको भ्याक्सिन दिने सहमति गरेको छ ।
रुसको द रसियन डिरेक्ट इन्भेष्टमेन्ट फण्ड (आरडीआइएफ)ले नेपालको एक प्रमुख औषधि वितरक ट्रिनिटी फर्मास्युटिकलसँग २ करोड ५० लाख डोज कोरोनाबिरुद्धको भ्याक्सिन ‘स्पुतनिक भी’ दिने सहमति गरेको स्पुतनिक भ्याक्सिनले आफ्नो वेवसाइडमा जनाएको छ ।
आरडीआइएफले विज्ञप्ति निकाल्दै राम्रोसँग अध्ययन गरिएको मानव एडेनोभिरल भेक्टर प्लेटफर्म मा उक्त भ्याक्सिन दिने सहमति भएको भएको जनाएको छ ।
सम्झौताले नेपालको करीब ९० प्रतिशत जनसंख्यालाई उक्त कोरोनाबिरुद्ध भ्याक्सिन पुग्ने भन्दै र आरडीआइएफले सुरक्षा प्रभावकारीका साथ नेपालका क्लिनिकहरुमा समेत सहज रुपमा उपलब्ध गराइने बताइएको छ ।
सम्झौताले धेरै देशहरूले कोरोनाभाइरस भ्याक्सिन पोर्टफोलियोमा मानव एडिनोवायरल भेक्टर प्लेटफर्ममा आधारित भ्याक्सिनको महत्त्वलाई मान्यता दिन्छ भनेर रेखांकित गरेको उल्लेख छ ।
मानव एडिनोवायरल भेक्टर प्लेटफर्म एक राम्रो अनुसन्धान गरिएको भ्याक्सिन प्लेटफर्म हो जुन दशकौंसम्म सुरक्षित साबित भएको छ जसमा अन्तर्राष्ट्रिय स्तरका ७५ वैज्ञानिकका प्रकाशनहरू र २ द्दछण् भन्दा बढी क्लिनिकल परीक्षणहरू भइसकेको दाबी विज्ञप्तिमा गरिएको छ ।
वि.सं.२०७७ असोज १३ मंगलवार १८:२६ मा प्रकाशित
