हामी सबैकाे संसारन्यूज

काठमाडौं । भारतमा कोरोना संक्रमित र संक्रमणबाट मर्नेकाे संख्या आक्रामक बढ्न थालेकाे छ । विश्व स्वास्थ्य संगठनको तथ्यांकअनुसार भारतमा कोरोना संक्रमितको संख्या ६१ लाख ४५ हजार २ सय ९१ पुगेको छ ।

जनाइएअनुसार पछिल्लाे २४ घण्टामा मात्रै भारतमा ७० हजार ५ सय ८९ कोरोना संक्रमित थपिएका थिए । भारतमा संक्रमितकाे संख्या बढेसँगै मृतककाे संख्या पनि ह्वात्तै बढेकाे छ ।

भारतमा बुधबारसम्म काेराेनाबाट मृत्यु हुनेकाे स‌ंख्या १ लाख नजिक पुगेकाे छ । सार्वजनिक तथ्याकअनुसार बुधबारसम्म भारतमा काेराेनाबाट मृत्यु हुनेकाे संख्या ९६ हजार ३ सय १८ पुगेको छ । पछिल्लो २४ घण्टामा मात्रै भारतमा ७ सय ७६ कोरोना संक्रमितको मृत्यु भएको विश्व स्वास्थ्य संगठनले जनाएको छ ।

केही समय अघिदेखि रेल्वे सेवा सञ्चालनमा आएसँगै कोरोना संक्रमण तीव्र गतिमा समुदाय स्तरमा फैलिएको हो । भारतमा सिनेमा हलबाहेक प्रायः सबै पेशा, व्यवसाय तथा क्षेत्र पूर्ववत अवस्थामा सञ्चालनमा आएसँगै कोरोना महामारीले विकराल रुप लिने देखिएको छ । एजेन्सीकाे सहयाेगमा