हामी सबैकाे संसारन्यूज

काठमाडौं । नेपाल रेल्वे कम्पनीमा १२९ पदको लागि ३२ हजारले आवेदन दिएका छन् । कम्पनीले गएको भदौ २९ मा १२९ पदको लागि आवेदन माग गरेको थियो ।

१५ दिनको समयसीमा दिइएर मागिएकोमा ३२ हजारले आवेदन दिएको कम्पनीका महाप्रबन्धक गुरु भट्टराईले जानकारी दिए ।

‘एक सय २९ पदमा मागिएको रेल्वे कर्मचारीमा ३२ हजार निवेदन परेको , पहिलो चरणमा शैक्षिक योग्यताका आधारमा मेरिट लिस्ट प्रकाशित हुनेछ, दोस्रो चरणमा अन्तरवार्ता पछि अन्तिम नामावली प्रकाशित गरिने छ’, उनले सामाजिक सञ्जाल ट्विटरमा लेखेका छन् ।

भट्टराईले आवेदनमाथिको छनौट प्रक्रिया पूर्णं निष्पक्ष हुने बताएका छन् । भट्टराईले छनौटमा सोर्स फोर्स र नातागोता नचल्ने बताए । उनले भनेका छन्, ‘सोर्स फोर्स, चीनजान, नातागोताका आधारमा छनौट गरिने छैन, यो गफ हैन, प्रतिबध्धता पनि हो ।’

१२९ पदमा मागिएको रेल्वे कर्मचारीमा ३२ हजार निबेदन परेको छ । पहिलो चरणमा शैक्षिक योग्यताका आधारमा मेरिट लिस्ट प्रकाशित हुनेछ। दोस्रो चरणमा अन्तरवार्ता पछी अन्तिम नामावली प्रकाशित गरिने छ । सोर्स फोर्स, चीनजान, नातागोताका आधारमा छनौट गरिने छैन । यो गफ हैन, प्रतिबध्धता पनि हो ।

— Guru Bhattarai (@Gurubhtt) September 29, 2020