Sansar News
काठमाडौं । अमेरिकी राष्ट्रपति डोनाल्ड ट्रम्पलाई कोरोना संक्रमण भएको छ । शुक्रबार ट्रम्पले सामाजिक सञ्जाल ट्विटरमार्फत आफुँ र आफ्नी श्रीमति मेलानियालाई कोरोना संक्रमण भएको जानकारी दिएका हुन् ।
Tonight, @FLOTUS and I tested positive for COVID-19. We will begin our quarantine and recovery process immediately. We will get through this TOGETHER!
— Donald J. Trump (@realDonaldTrump) October 2, 2020
उनकी ३१ वर्षीया सल्लाहकार होप हिक्समा सङ्क्रमण देखिएपछि राष्ट्रपति र मेलानिया ट्रम्पले आफ्नो काेराेना परीक्षण गराएक थिए । केहि दिन अघि ओहायोमा भएको टेलिभिजन बहसमा ट्रम्प सहभागी हुन जाँदा हिक्स विमानमा उनीसँगै थिइन्।
मङ्गलवार राष्ट्रपति चढेको उक्त विमानबाट ओर्लंदा हिक्सले मास्क नलगाएको तस्बिर सार्वजनिक भएको थियो। बुधवार ट्रम्प मिनेसोटामा भएको एउटा र्यालीमा सहभागी हुन जाँदा राष्ट्रपति चढेको हेलिकप्टरमा उनी अझ नजिक देखिएकी थिइन्।
बिहीबार राति ट्रम्पले ट्विटरमा हिक्सलाई कोरोना भएको उल्लेख गरेका थिए ।
यसअघि ट्रम्पले पटक–पटक कोरोना भाइरस केहि होइन भन्ने अभिव्यक्ति दिने गरेका थिए । उनले मास्क लगाउनु पनि गलत हो भन्ने गर्दथे । ट्रम्प अधिकांश भेटघाट तथा कार्यक्रम सहभागी हुँदा विना मास्क उपस्थिति हुन्थे । जसबारे निकै टिप्पणीहरु भएका थिए ।
वि.सं.२०७७ असोज १६ शुक्रवार ११:१४ मा प्रकाशित
