हामी सबैकाे संसारन्यूज

१६ असोज, काठमाडौं । पूर्वराष्ट्रपति डा. रामवरण यादवले महाराजगन्ज स्थित त्रिवि शिक्षण अस्पतालमा अनशन बसिरहेका डा. गोविन्द केसीलाई अस्पतालमै पुगेर भेटेका छन् ।

पूर्वराष्ट्रपति यादवले शुक्रबार बिहानै टिचिङ अस्पताल पुगेर डा. केसीलाई भेटी उनको स्वास्थ्य अवस्थाबारे जानकारी लिएका हुन् ।

पूर्व राष्ट्रपति यादवले डा. केसीलाई भेटेपछि डा. केसीले जनताको आवाज उठाएकोले चाँडो भन्दा चाँडो उनको माग सम्बोधन गर्न सरकार समक्ष आग्रह समेत गरेका छन् ।

अनशनका कारण स्वास्थ्य अवस्था कमजोर हुँदै गएका डा. केसीलाई स्वास्थ्यको ख्याल गरेर अनशन तोड्न पनि डा. यादवले अनुरोध गरेको बताइएको छ ।
त्रिवि शिक्षण अस्पतालको कोठा नं ५०१ मा अनसन बसिरहेका डा. केसीको यो १९ औं पटकको अनशन हो ।