हामी सबैकाे संसारन्यूज

गण्डकी – गण्डकी प्रदेशका मुख्यमन्त्री पृथ्वी सुब्बा गुरुङले विश्वविद्यालयमा राजनीतिक भागवण्डाका आधारमा नियुक्ति गर्न नहुने बताए । ‘विश्वविद्यालय अध्ययन अनुसन्धानको थलो हुनुपर्छ । राजनीति गर्ने थलो हुनुहुँदैन । राजनीतिक भागबण्डाका आधारमा पदाधिकारी चुन्दा योग्य व्यक्तिहरुको अपमान हुन्छ,’ मुख्यमन्त्री गुरुङले भने । आज गण्डकी विश्वविद्यालयमा प्रा.डा. नवराज देवकोटालाई उपकुलपतिको सपथ ग्रहण गराउने कार्यक्रममा मुख्य मन्त्री गुरुङले विश्वविद्यालय सम्वन्धि आफ्नो धारणा राखेका थिए ।

अहिले न्यासिक परिषद नवनेको अवस्थामा प्रदेश सरकारको तर्फवाट उपकुलपति नियुक्ति गरिएको र आगामी दिनमा न्यासिक परिषदले नै उपकुलपति नियुक्ति गर्ने मुख्यमन्त्री गुरुङले बताए । ‘पहिलो र अन्तिमपटक गण्डकी विश्वविद्यालयमा हामीले कुलपति र उपकुलपति नियुक्त गर्यौं । अब मुख्यमन्त्रीले कुलपति र उपकुलपति चुन्दैन । न्यासिक परिषद जुन छ, त्यसैले क्राइट्रेरिया बनाएर चुन्छ,’ मुख्यमन्त्री गुरुङले भने । मुख्यमन्त्री गुरुङका अनुसार न्यासिक परिषद्का सदस्य हरेक २ वर्षमा एक तिहाई खालि हुन्छ र नयाँ आउँछन्, न्यासिक परिषद सदस्यको पनि क्राइट्रेरिया छ । जसअनुसार प्राज्ञिक व्यक्तिहरुबाटै विश्वविद्यालयका पदाधिकारी चुनीने प्रकृया हुन्छ ।

विश्वविद्यालयमा पहिला राजामहाराजाहरु कुलपति हुने चलन रहेकाेमा अहिले जनताकाे प्रतिनिधि अर्थात प्रधानमन्त्री हुने परम्पराकाे शुरुवात भएकाे मुख्यमन्त्री गुरुङले बताए । उनले भने ‘विश्वविद्यालयमा पहिलापहिला राजा महाराज कुलपति हुन्थे, अहिले विश्वविद्यालयहरुमा प्रधानमन्त्री कुलपति हुने चलन छ । तर मैले कुलपति हुन चाहिनँ । मुख्यमन्त्री कुलपति हुने होइन ।’

अहिले गण्डकी विश्वविद्यालय देशमा खोलिएका अन्य विश्वविद्यालयको तुलनामा फरक ढंगले खोलिएको मुख्यमन्त्री गुरुङले बताए । उनले भने, ‘यो विश्वविद्यालय मेरो पालामा खोलेको भन्नका लागि मात्रै पनि खोलेको होइन । अहिले मुलुकमा जसरी विश्वविद्यालयहरु चलेका छन्, त्यसरी होइन फरक ढंगले चल्नुपर्छ भनेर गण्डकी विश्वविद्यालय खोलेका हौं । गण्डकी विश्वविद्यालय देशकै नमुना हुनुपर्छ र दक्षिण एसियाका गिनेचुनेका विश्वविद्यालयमा दर्ज हुनुपर्छ ।’

प्रदेश सरकारले गण्डकी विश्वविद्यालयलाई परम्परागत अध्ययन मात्रै नभएर अनुसन्धान गर्ने थलोका रुपमा विकास गर्न खोजेको मुख्यमन्त्री गुरुङले बताए । ‘हामी गण्डकी विश्वविद्यालय अनुसन्धानको थलो होस् भन्ने चाहन्छौं । सामाजिक विकासमा अघि भए पनि अरु प्रदेशको तुलनामा हाम्रो प्रदेशका बच्चाहरु किन पुड्का छन् रु किन अन्डरवेट छन् रु यो रिसर्च हुनुपर्छ । हाम्रा सुन्तलाका बोटमा रोग लाग्यो । किन लाग्यो के लाग्यो रु त्यो रिसर्च हुनुपर्छ । नेपाली कोदोको रक्सी ब्रान्डिङ गर्नुपर्नेछ, बजारीकरण गर्नुपर्नेछ, कसरी गर्ने भनेर रिसर्च हुनुपर्यो । यी सामान्य उदाहरणमात्रै हुन् । थुप्रै छन् रिसर्चका विषय,’ गुरुङले आफ्नो धारणा राखे ।

गण्डकी विश्वविद्यालयवाट अस्ट्रेलिया युरोपको स्तरमा शिक्षा दिन चाहेको मुख्यमन्त्री गुरुङले बताए । उनले भने, ‘आज जसरी ब्रेनड्रेन भइरहेको छ, त्यसलाई रोक्न नसकौंला । तर हामी विकल्प दिन्छौं । संसारमै नाम कहलाएको सिंगापुरको विश्वविद्यालयको शिक्षा हामी यहीं दिन चाहन्छौं । अस्ट्रेलिया र युरोपको जस्तो शिक्षा यहीं दिन चाहन्छौं ।’