हामी सबैकाे संसारन्यूज

काठमाडौं- प्रधानमन्त्री केपी शर्मा ओलीकाे सचिवालयमा रहेका सल्लाहकार विष्णु रिमाल, परराष्ट्र मामिला सल्लाहकार डा. राजन भट्टराई, प्रेस सल्लाहकार सूर्य थापा र प्रमुख स्वकीय सचिव इन्द्र भण्डारीमा कोरोना पोजेटिभ देखिएको छ । पीसीआर परीक्षणका लागि उनिहरुकाे शुक्रवार स्वाब संकलन गरिएकाे थियाे ।

सल्लाहकार रिमालले ट्विटरमा लेखेका छन्, “हिजोको पीसीआर परीक्षणबाट ममा पनि कोरोना पोजेटिभ देखियो, यसबीच मसँग सम्पर्कमा आउनुभएका सबै महानुभावले आफ्नो स्वास्थ्यको ख्याल गर्नुहुन आग्रह गर्दछु ।”

प्रेस सल्लाहकार थापाले फेसबुकमा लेखेका छन्, “हिजोको पीसीआर परीक्षणले ममा कोरोना पोजेटिभ देखियो, यसबीचमा सम्पर्कमा रहनुभएका सबै मित्रहरुले विशेष सावधानी अपनाउन आग्रह गर्दछु ।”

त्यसैगरी परराष्ट्र मामिला विज्ञ सल्लाहकार डा. राजन भट्टराईलाई पनि कोरोना संक्रमण भएको छ । चिव इन्द्र भण्डारीमा पनि कोरोना संक्रमण देखिएको छ । प्रधानमन्त्रीका सञ्चार विज्ञ रामशरण बजगाईकाअनुसार आज सचिवालयका चार जनामा कोरोना पुष्टि भएको हो । सञ्चारविज्ञ बजगाईको परीक्षण रिपोर्ट आउन बाँकी छ ।