Sansar News
काठमाडौं । राष्ट्रिय प्रजातन्त्र पार्टी (राप्रपा)ले जिल्ला एकता प्रक्रिया सुरु गरेको छ । राप्रपाले पाल्पा र धादिङको नेतृत्व चयन गर्दै नयाँ कार्यसमितिसमेत गठन गरेको छ ।
राप्रपाले जनाएअनुसार रेवन्त विष्टको अध्यक्षतामा पाल्पा जिल्ला कार्यसमिति गठन भएको छ भने नवराज श्रेष्ठको अध्यक्षतामा धादिङको जिल्ला कार्यसमिति गठन भएको छ ।
राष्ट्रिय प्रजातन्त्र पार्टी र राष्ट्रिय प्रजातन्त्र पार्टी (संयुक्त)बीच गत फागुन २८ मा पार्टी एकता भएको थियो । पार्टी एकता घोषणा भएपनि जिल्ला एकता र सांगठनिक एकता प्रक्रिया भने सुरु हुन सकेको थिएन ।
वि.सं.२०७७ असोज १८ आइतवार १२:४७ मा प्रकाशित
