हामी सबैकाे संसारन्यूज

१८ असोज, काठमाडौं । नेपाली कांग्रेसका सभापति शेर बहादुर देउवाले डा. गोविन्द केसीको जीवन रक्षाका लागि प्रधानमन्त्री समक्ष सार्वजनिक अपिल गरेका छन् ।

सभापति देउवाले डा. केसीको स्वास्थ्य स्थिति जटिल बनेको अवस्थालाई दृष्टिगत गरेर अविलम्ब वार्ता गर्न, मागहरु पूरा गर्न र डा. केसीको जीवन रक्षा गर्न ढिलाई नगर्न आग्रह गर्दै ढिलाईको दुष्परिणाम गम्भीर हुने चेतावनी समेत दिएका छन् ।

सभापति देउवाद्धारा डा. केसीको जीवन रक्षाका लागि भन्दै आज जारी गरिएको विज्ञप्तिमा भनिएको छ, ‘वर्तमान प्रधानमन्त्रीकै अग्रसरतामा २०७५ को साउनमा डा.केसीसँग गरिएको सम्झौतालाई माघ महिनामा अल्लंघन गरेर द्धन्द्धको बीउ सरकारले त्यसबेला नै रोपेको थियो । अतः फेरि पनि संवाद मार्फत् समाधानमा पुगेर त्यसको सार्थक कार्यान्वयनमा इमान्दारिता प्रस्तुत गर्न म प्रधानमन्त्रीजीलाई आग्रह गर्दछु ।’