हामी सबैकाे संसारन्यूज

पर्वत – चितुवा बाघको आक्रमणबाट घाइते भएका व्याक्ति तथा पशुचौपायको क्षति भएको परिवारलाई आज एक कार्यक्रम गरि गण्डकी प्रदेशका उद्योग, पर्यटन वन तथा वातावरण मन्त्री विकास लम्सालले राहत उपलब्ध गराएका छन् ।

डिभिजन वन कार्यालय पर्वतको आयोजना मन्त्री लम्सालले चितुवाको आक्रमणमा परि घाइते भएकी जलजला, ४, माझफाँटकी पदमकुमारी मल्ललाई १ लाख ३७ हजार ७ सय ५४ रुपैयाँ प्रदान गरे । त्यस्तै जंगली जनावरको आक्रमणबाट पशुचौपायको क्षति भएका २४ जनालाई मन्त्री लम्सालले नगद राहत प्रदान गरे ।

पिडितहरुलाई राहत उपलब्ध गराउँदै मन्त्री लम्सालले गण्डकी प्रदेशमा बन्यजन्तुबाट मानिस र पशुचौपायमा आक्रमण बढ्दै आएको बताउँदै आगामी दिनमा प्रदेश सरकारले बन्यजन्तुको संरक्षणसँगै पर्यटन विकासको क्षेत्रलाई समेत प्राथमिकता दिनेगरी कार्यक्रम अगाडि बढाउने बताए । मन्त्री लम्सालका अनुसार प्रदेश सरकारले १४ प्रकारका बन्यजन्तुबाट आक्रमण गरेर क्षति भएमा क्षतिपुर्ति पाईने गरि आवश्यक कार्यविधिको व्यवस्था गरेको छ ।

वन्यजन्तुवाट हुने क्षतिको राहत सहयोग वितरण कार्यक्रममा जिल्ला प्रशासन कार्यालय, नेपाली सेना, नेपाल प्रहरी र पर्वत जिल्लाका विभिन्न कार्यालयका प्रमुखहरुको सहभागिता रहको थियो ।