Sansar News
काठमाडौं –उद्योग, वाणिज्य तथा आपूर्ति राज्यमन्त्री मोतिलाल दुगडकै उद्योग गैरकानुनी रुपमा सञ्चालन हुँदै आएको छ । मोरङमा सञ्चालित ‘दुगड स्पाइस एन्ड फुड प्रोडक्ट प्रालि’ ले मापदण्ड पुरा नै नगरी सेन्चुरी स्प्रिंकलर्स टेवल साल्टको नामबाट नुन प्याकेजिङ गरि विक्रि वितरण गर्ने गरेको छ ।
मन्त्री दुगडको उक्त उद्योगले विभिन्न किसिमका खाद्य पदार्थ तथा मसलाहरुको उत्पादन गर्ने गर्छ, जसमा कानुन विपरित नुनको प्याकेजिङ गरि विक्रि वितरण गर्ने गरेको पाइएको छ ।
कुनै पनि प्रकारको खाद्य वस्तुको उत्पादन गरेर विक्रि वितरण गर्नका लागि अनिवार्य रुपमा खाद्या गुणस्तर तथा गुण नियन्त्रण विभागको अनुमति लिएर काम गर्नुपर्नेमा ‘दुगड स्पाइस एन्ड फुड प्रोडक्ट प्राली’ले विभागको अनुज्ञापत्र र स्विकृतिविना नै नुनको उत्पादन र प्याकेजिङ गरि विक्रि वितरण गर्ने गरेको छ । आजको राजधानी दैनिकमा खबर छ ।
वि.सं.२०७७ असोज १९ सोमवार ०९:०६ मा प्रकाशित
