हामी सबैकाे संसारन्यूज

२० असोज, काठमाडौँ । दिल्ली क्यापिट्ल्स र सनराइजर्स हैदरावादलाई ठुलो झट्का लागेको छ । दुवै टिमका प्रमुख बलरहरुले चोटका कारण आईपिएलको बाँकी खेलहरु गुमाउनु पर्ने भएको छ । सनराइसर्ज हैदरावादबाट भुवनेश्वर कुमार र दिल्ली क्यापिट्ल्सबाट अमित मिश्रा बाहिरीएका हुन ।

सनराइजर्स हैदरावादका फास्ट बलर भुवनेश्वर कुमार चेन्नाई सुपर किंग्स विरुद्धको खेलमा बलिङ्ग गर्ने क्रममा चोटिल हुन पुगेका थिए । खुट्टामा लागेको त्यहीँ चोटको कारणले गर्दा भुवनेश्वर कुमार आईपिएलबाटै बाहिरिनु परेको छ । आईपिएल इतिहासमै सर्वाधिक विकेट लिने खेलाडीकोे सुचिमा भुवनेश्वर कुमार छैठौँ स्थानमा रहेका थिए । उनले आईपिएलमा १२१ खेलमा १३६ विकेट लिएका छन । यस आईपिएल उनी आवद्ध टिम सनराइसर्ज हैदरावाद ४ अकं सहित अकं तालिकाको सातौँ स्थानमा रहको छ ।

त्यसैगरी दिल्लीका लेग स्पिनर अमित मिश्राले भने औँलामा लागेको चोटको कारणले आईपिएलको बाँकी खेल गुमाउने भएका हुन । उनी कोलकत्ता नाईट राइडर्स विरुद्धको खेलमा चोटिल हुन पुगेका थिए । अमित मिश्रा आईपिएलमा सर्वाधिक विकेट लिने खेलाडीको सुचिको दोस्रो स्थानमा रहेका छन । उनले आईपिएल १५० खेल खेल्दैँ १६० विकेट लिएका छन । उनी आवद्ध टिम दिल्ली ५ खेलबाट ८ अकं जोड्दैँ अकं तालिकाको शिर्ष स्थानमा रहेको छ ।