हामी सबैकाे संसारन्यूज

२१ असोज, काठमाडौं । अमेरिकी दूतावासले अमेरिकी भिसा नीतिका सम्बन्धमा संचारमाध्यममा आएको भ्रामक सूचनाका सम्बन्धमा ध्यानाकर्षण भएको जनाउँदै भिसा नीतिमा कुनै परिवर्तन नभएको जनाएको छ ।

दूतावासले दशकौ पुरानो कम्युनिष्ट पार्टी या निरंकुश राज्यहरुबाट अमेरिका आप्रवाशन हुने प्रावधानहरुमा पनि कुनै परिवर्तन नआएको बताएको छ ।

दूतावासले मंगलबार राति यसबारेमा सूचना जारी गर्दै भनेको छ,
‘अमेरिकी भिसाका सम्बन्धमा पछिल्ला दिनमा प्रकासित केही भ्रामक सूचनाहरूका सम्बन्धमा दूतावासको ध्यानाकर्षण भएको छ । हामी के स्पष्ट पार्न चाहन्छौं भने नीतिहरू वा दशकौं पुरानो कम्युनिष्ट पार्टी या निरंकुश राज्यहरूबाट अमेरिकामा आप्रवासन हुने प्रावधानहरूमा कुनै पनि परिवर्तन गरिएको छैन । त्यसैगरी यसले नेपाल कम्युनिष्ट पार्टीका सदस्यहरूको अमेरिका आप्रवासनमा आफसेआफ रोक लगाउने भन्ने होइन किनभने अमेरिकी भिसासम्बन्धी निर्णय हरेक भिसा आवेदकहरूको आवेदनका आधारमा गरिन्छ ।

अमेरिकी नागरिक तथा आप्रवासन सेवाले हालसालै प्रशासनिक निर्देशिका जारी गरेको हो–खासमा एक सूचनामुलक जानकारी-र यो अमेरिकामै रहनुभएका आप्रवासीहरूको आवेदनमा काम गरेरहनुभएका (ग्क्ऋक्ष्क्) अधिकृतहरूको लागि हो । यससम्बन्धी समाचारहरूले भ्रम पैदा गरेका छन् । सन् १९५२ मा अमेरिकी कङ्ग्रेसले आप्रवासन तथा नागरिकता ऐन पारित गरेको थियो, जसले कुनै कम्युनिष्ट वा अधिनायकवादी पार्टीहरूसँगको संलग्नता अथवा सदस्यता भएका व्यक्तिहरूलाई अमेरिका आप्रवासनमा रोक लगाएको थियो ।

यो कानूनमा धेरै अपवाद र छूटको व्यवस्था गरिएको छ, जसले अन्य तवरले योग्य पार्टी सदस्यहरूलाई अमेरिका आप्रवासनको अनुमति दिन्छ । साथै यस् कानून अस्थायी रूपमा वा गैरआप्रवासन प्रयोजनको लागि अमेरिका भ्रमण गर्न चाहनुहुने व्यक्तिहरूलाई कुनै असर गर्दैन । विचार या पृष्ठभूमिमा विविधता भएका आवेदकहरूलाई हामी सधैं स्वागत गर्दछौं । हामी नेपालको बहुदलीय लोकतन्त्रको सम्मान गर्दछौं तथा ७३ बर्षदेखि झैं निरन्तर रूपमा नेपालको निर्वाचित सरकार र यहाँका जनतासँग गर्दै आएझैं लोकतन्त्रको थप सुदृढिकरणका लागि काम गरीररहने प्रतिवद्धता पनि दोहोर्याउन चाहन्छौं ।’

मंगलबार नेकपाका प्रवक्ता नारायणकाजी श्रेष्ठले अमेरिकी नीतिले कुनैपनि पार्टीको स्वेच्छाले सदस्य बन्न पाउने अधिकार र लोकतन्त्रको खिल्ली उडाएको भन्ने अभिव्यक्ति सामाजिक संजालमार्फत् दिएका थिए  त्यसको केही समयपछि बेलुका दूतावासले यस्तो सूचना जारी गरेको हो ।

https://www.facebook.com/nepal.usembassy/posts/3289887601048276