हामी सबैकाे संसारन्यूज

ऐजेन्सी – सन् २०२० मा प्रदान गरिने भौतिक शास्त्र तर्फको नोवेल पुरस्कार बेलायती प्राध्यापक रोजर पेनरोज, जर्मन प्राध्यापक राइन्हार्ड गेन्जल, र अमेरिकी प्राध्यापक आन्ड्रिया गेजलाई प्रदान गरिने भएको छ ।

बेलायती प्राध्यापक पेनरोजले ब्ल्याकहोललाई आइन्स्टाइनको सापेक्षतावादको सिद्धान्तको प्रमाणको रुपमा स्थापित गरेवापत उक्त पुरस्कार दिइने भएको हो । प्राध्यापक द्वय गेन्जल र गेजलाई हाम्रो आकाशगंगको केन्द्रमा रहेको सघन खगोलिय पिण्ड पत्ता लगाएवापत पुरस्कार दिइने भएको हो ।

मंगलबार स्टकहोममा भएको एक कार्यक्रममा स्विडिस एकेडेमीले यस वर्षको भौतिकशास्त्रतर्फको नोबल पुरस्कारहरु भौतिकशास्त्रीहरु रोजर पेनरोज तथा राइनहार्ड गेन्जेल र एन्ड्रिया गेजलाई प्रदान गरिने घोषणा गरेको हो । पुरस्कारको आधा हिस्सा पेनरोजले पाउनेछन् भने आधा हिस्सा गेन्जेल र गेजले पाउनेछन् ।